కరీంనగర్ : ఎల్లంపల్లి జలాశయంలో మునిగి యువకుడి మృతి

రామగుండం పరిధిలోని అంతర్గాం మండలం ఎల్లంపల్లి జలాశయంలో మస్కం శ్రావణ్ (26) అనే యువకుడు ఈత రాక నీట మునిగి సోమవారం సాయంత్రం మృతి చెందాడు. శ్రావణ్ తండ్రి పోచయ్య సింగరేణి రిటైర్డ్ ఉద్యోగి కాగా వీరు మంచిర్యాల జిల్లా మందమర్రి రామకృష్ణపూర్‌లో నివాసముంటున్నారు. స్నేహితులతో కలిసి స్నానం చేస్తుండగా లోతట్టు ప్రదేశానికి వెళ్లిన శ్రావణ్ నీట మునిగాడు. కేసు నమోదు చేసి విచారణ చేపట్టినట్లు ఎస్సై శ్రీధర్ తెలిపారు.