నాగర్కర్నూల్ జిల్లాలోని కల్వకుర్తి మండలంలో జరిగిన రోడ్డు ప్రమాదంలో నల్గొండ జిల్లా మిర్యాలగూడ మండలానికి చెందిన ముగ్గురు మృతి చెందారు. వివరాల్లోకి వెళితే.. మాచర్ల సమీపంలో ఓ కారు అదుపుతప్పి బోల్తా పడింది. కారులో ప్రయాణిస్తున్న ముగ్గురు అక్కడికక్కడే మృతిచెందారు. సమాచారం అందుకున్న పోలీసులు ఘటనా స్థలానికి చేరుకున్నారు. మృతదేహాలను కారులో నుంచి వెలికితీసి పోస్టుమార్టం నిమిత్తం దవాఖానకు తరలించారు.
