నాగార్జున హోస్ట్‌గా చేస్తోన్న బిగ్బాస్ 3 ర‌స‌వ‌త్త‌రంగా సాగుతోంది. ఇక బిగ్బాస్ ఇంట్లో పదివారాలు పూర్తయ్యాయి. అయినప్పటికీ ఇంటిసభ్యుల్లో కొంతమంది ఓ పట్టాన అర్థం కావట్లేదు. అయితే మొదటి నాలుగైదు వారాలలో ఎవరిని బయటకి పంపేయాలనేది బిగ్బాస్ టీమ్‌ ముందే డిసైడ్‌ చేసుకుంటుంది. అలా ఈ సీజన్ నాన్‌-ప్రీమియమ్‌ కంటెస్టెంట్స్‌లో కొరియోగ్రాఫర్‌ బాబా భాస్కర్‌ ఒకడు. ఇప్ప‌డు బిగ్బాస్ దృష్టి అంతా బాబా భాస్క‌ర్‌పై ప‌డింది. ప్ర‌స్తుతం బాబా భాస్కరే వారికి కొరకరాని కొయ్యగా తయారయ్యాడు. మంచి వినోదాన్ని పంచుతూ, అనునిత్యం జోకులు వేస్తూ సరదాగా వుండే మాస్టర్‌కి బయట ఫాలోయింగ్ బాగా పెరిగింది.
అయితే అతడిని ఎలిమినేట్ చేయడం బిగ్బాస్ వల్ల కావడం లేదు. దీంతో ప్రతి వారాంతంలోను హోస్ట్‌ నాగార్జునతో బాబాని ఫేక్‌, మాస్క్‌ వేసుకుని ఆడుతున్నాడంటూ చెప్పిస్తున్నారు. నాగ్‌ ఇచ్చిన కౌంటర్లతో ఎంటర్‌టైన్‌మెంట్‌ బాబా కాస్త మూడీ బాబాగా మారిపోయాడు. మరింత ఒత్తిడి పెంచడానికి వ్యూహాత్మకంగా అలీ రెజాని మళ్లీ లోపలకి పంపించారు. అతను తిరిగొచ్చింది లగాయతు మాస్టర్‌పై విషం చిమ్ముతున్నాడు.
అలీ రెజా హౌస్‌లోని అందరికీ బాబా మీద లేనిపోనివి చెబుతున్నాడు. ఒక్క రోజు సీక్రెట్‌ రూమ్‌లో వున్న రాహుల్‌కి కూడా అదే ఫీడ్‌ చేసి పంపించారు. ఇలా ఫైనల్స్‌లోకి రాకుండా బాబాని ఎలిమినేట్ చేయడం, లేదా ఫైనల్స్‌కి ముందే తనంతట తానుగా వెళ్లిపోతానని బాబా చేతే చెప్పించడం బిగ్బాస్ వ్యూహమని గుసగుసలు వినిపిస్తున్నాయి. మ‌రి ఏం జ‌రుగుతుందో చూడాలి.
