ప్రతి ఒక్కరూ ఆరోగ్యం పై ఎంతో శ్రద్ధ వహించాలి. వయసు పెరిగే కొద్దీ ఎన్నో అనారోగ్య సమస్యలు ఎక్కువ అవుతున్నాయి, ముఖ్యంగా వాటిలో క్యాన్సర్ కూడా ఒకటి. అయితే ముఖ్యంగా 40 సంవత్సరాలు పైబడిన వారు కచ్చితంగా అప్రమత్తంగా ఉండాలి అని క్యాన్సర్ నిపుణులు చెబుతున్నారు. ఎప్పుడైతే రోజువారి జీవితంలో ఇలాంటి లక్షణాలను ఎదుర్కొంటారో, వీటిని అస్సలు అజాగ్రత్త చేయకూడదు. తగిన చర్యలను తీసుకోవడం వలన క్యాన్సర్ తీవ్రతను తగ్గించుకోవచ్చు మరియు ఆరోగ్యాన్ని కాపాడుకోవచ్చు.
క్యాన్సర్‌కు సంబంధించిన చికిత్స అందుబాటులో ఉన్నా సరే, సకాలంలో ఈ సమస్యను గుర్తించకపోవడం వలన ఎందరో మరణిస్తున్నారు. క్యాన్సర్ సమస్యను ఎదుర్కొనే ముందు కొన్ని లక్షణాలు కనిపిస్తాయి. అధిక బరువు లేక ఉబకాయం, మద్యం సేవించడం లేక ధూమపానం వంటివి క్యాన్సర్‌కు దారితీస్తాయి. అయితే జన్యుపరంగా కూడా క్యాన్సర్ వచ్చే అవకాశాలు ఎక్కువగా ఉంటాయని నిపుణులు చెబుతున్నారు. ఎప్పుడైతే శరీరంలో ఎక్కువ రోజుల పాటు గడ్డా లేక వాపు ఉంటే, నిపుణులను సంప్రదించాలి. మెడ భాగంలో వాపు ఎదుర్కొంటే, మెడ క్యాన్సర్ లేక నోటి క్యాన్సర్‌కు సంకేతం అవచ్చు.
అదే రొమ్ములో వాపు ఎదురైతే, రొమ్ము క్యాన్సర్‌కు సంకేతం. ఈ విధంగా, వాపు లేక గడ్డ వంటి వాటిని ఎదుర్కొంటే, సకాలంలో సరైన ట్రీట్మెంట్ ను తీసుకోవాలి. అదే విధంగా, అల్సర్లు ఎదురైనప్పుడు కూడా జాగ్రత్త వహించాలి. చర్మం పై లేదా నోటి లోపల ఎలాంటి గాయాలు ఎదురైనా, నోటి క్యాన్సర్‌కు సంకేతం కావచ్చు. తరచుగా అల్సర్లు ఎదురైతే, ఖచ్చితంగా నిపుణులను సంప్రదించాలి మరియు సరైన మెడికేషన్ తీసుకోవాలి. అంతే కాకుండా, తరచుగా రక్తస్రావం ఎదురైతే క్యాన్సర్‌కు సంకేతం. ముఖ్యంగా దగ్గినప్పుడు రక్తం రావడం, మలంలో రక్తస్రావం జరగడం వంటివి పెద్ద ప్రేగు క్యాన్సర్‌కు సంకేతాలు. కనుక, ఇలాంటి లక్షణాలను ఎదుర్కొంటే కచ్చితంగా డాక్టర్‌ను సంప్రదించండి.
