స‌హ‌జంగా చాలా మంది ఉద‌యాన్నే గోరువెచ్చ‌ని నీటిలో తేనెను కలిపి తాగటాన్ని చూస్తుంటాం. అయితే ఈ డ్రింక్ బరువు తగ్గటానికి మాత్రమే ఉపయోగపడుతుంది అనుకుంటారు. అయితే ఇందులో ఉండే తేనె వల్ల శ‌రీరానికి ఎన్నో ఉప‌యోగాలు ఉన్నాయి. నిజానికి ఉద‌యాన్నేఈ డ్రింక్ తాగ‌డం శ‌రీరానికి చాలా మంచిది. పంచదార కన్నా రెండు రెట్లు ఎక్కువ తీపిగా ఉండే తేనె క్రిమి సంహారక గుణాన్ని కలిగి ఉంటుంది.
స్వచ్ఛమైన తేనెను సేవించ‌డం వల్ల ఆరోగ్యంతో పాటు అందాన్ని కూడా పొంద‌వ‌చ్చు. స్వచ్ఛమైన తేనెలో ఎంజైములు అధికంగా ఉంటాయి. అలాగే విటమిన్లను, ఖనిజాలతోనూ నిండి ఉంటుంది. హానికరమైన బాక్టీరియా నుండి మీ శరీరా వ్యవస్థను రక్షించడంలో కీలక పాత్ర పోషిస్తుంది. గుండెజబ్బులు కలవారు తేనెని వాడటం వల్ల గుండెజబ్బులు నివారణకు ఉపయోగపడుతుంది.
తేనె తాగ‌డం వల్ల శ‌రీరంలో రోగనిరోధ‌క వ్యవస్థను పెంచుతుంది. అయితే తేనె వాడితే షుగరు పెరుగుతుంది అనేది కేవలం అపోహ మాత్రమే. వాస్త‌వానికి మధుమేహ సమస్యతో ఇబ్బంది పడువారు కూడా తేనెని వాడవచ్చు. మెద‌డు ప‌ని తీరు మెరుగుప‌డ‌డానికి తేనె బాగా ఉపయోగపడుతుంది. ముఖ్యంగా కొల‌స్ట్రాల్‌ను త‌గ్గించేందుకు స‌హాయ‌ప‌డుతుంది. మలబద్దకం , అజీర్ణం , కడుపునొప్పి ఇలా అనేక స‌మ‌స్య‌ల‌కు తేనెతో చెక్ పెట్ట‌వ‌చ్చు.
