కలర్ సైకాలజీ ప్రకారం ప్రతి రంగుకి కూడా ఒక అర్థం ఉంటుంది. అంతేకాదు వ్యక్తిత్వాన్ని తెలిపే లక్షణం భావోద్వేగాల గురించి కూడా మీకు నచ్చే కలర్ ద్వారా తెలుసుకోవచ్చు. మీకు నచ్చే కలర్ ని బట్టి మీ గురించి కొన్ని విషయాలు తెలుసుకోవచ్చు.
ఎరుపు రంగు చాలా స్ట్రాంగ్ కలర్. ఈ కలర్ మీకు నచ్చినట్లయితే మీరు చాలా బలమైన, నమ్మకమైన వ్యక్తిత్వాన్ని కలిగి ఉన్నారని అర్థం చేసుకోవాలి. ఇది చాలా పవర్ఫుల్ కలర్. ఆత్మవిశ్వాసం, ధైర్యం మీలో ఎక్కువగా ఉంటుంది. ఎర్రటి రంగు దుస్తులు వేసుకునే వాళ్ళు ఎక్కడున్నా ఆకర్షణీయంగా కనబడతారు.
అలాగే బ్రౌన్ కలర్ స్థిరత్వాన్ని సూచిస్తుంది. ఈ రంగు ఇష్టపడితే స్టెబిలిటీ ఉన్నట్టు అర్థం చేసుకోవచ్చు. అలాగే చేసే పనుల్లో బలంగా ఉంటారు. ఈ రంగుని ఇష్టపడినట్లయితే నమ్మకంగా విశ్వాసం కలిగిన వ్యక్తులుగా పేరు పొందుతారు.
అదే మీకు గులాబీ రంగు ఇష్టమైనట్లయితే ప్రేమ పూర్వకంగా జీవిస్తారు అందరితోనూ సంతోషాన్ని పంచుకుంటారు. చాలా సౌమ్యంగా ఉంటారు. ఎంతో ఆప్యాయంగా మాట్లాడుతారు. లేటెస్ట్ ట్రెండ్ ఫాలో అవుతారు. తెలివైనవాళ్లుగా సమాజంలో గుర్తింపుని పొందుతారు.
పసుపు రంగును ఇష్టపడే వాళ్ళు ఆశావాదా ఆలోచనలతో ఉంటారు. ప్రశాంతమైన వ్యక్తిత్వాన్ని కలిగి ఉంటారు. వీరికి సానుభూతి ఎక్కువగా ఉంటుంది.తెలుపు రంగును ఇష్టపడేవాళ్లు స్వచ్ఛంగా ఆలోచనలు కలిగి ఉంటారు. సంపూర్ణత్వాన్ని కోరుకుంటారు. ఏ పని చేసినా పూర్తి చేసే వరకు ఊరుకోరు.
నీలం రంగును ఇష్టపడే వాళ్ళు ఎంతో ప్రశాంతంగా ఉంటారు. ప్రశాంతంగా జీవించడానికి ఇష్టపడతారు.
నారింజ రంగుని ఇష్టపడే వాళ్ళు మానవ సంబంధాలకు ఎక్కువ ప్రాధాన్యతని ఇస్తారు ఎప్పుడు ఉత్సాహంగా ఉండడానికి చూస్తారు
నలుపు రంగుని ఇష్టపడే వాళ్ళు లగ్జరీ జీవితాన్ని కోరుకుంటారు. తెలివితేటలు వీళ్ళకి ఎక్కువగా ఉంటాయి, ఎప్పుడు మూడీగా ఉంటారు.
ఆకుపచ్చ రంగు ప్రకృతికి సంకేతం ఈ రంగుని ఇష్టపడే వాళ్ళు ప్రశాంతంగా ఉంటారు కోపం వస్తే మాత్రం తీవ్ర ప్రభావాన్ని చూపిస్తారు.
