టాలీవుడ్ సూపర్ హిట్ ప్రొడ్యూసర్, ఎస్పీ ప్రొడక్షన్స్ అధినేత సురేశ్ బాబు రెండో తనయుడు అభిరామ్ సినిమాల్లోకి ఎంట్రీ ఇస్తున్నాడు. తేజ దర్శకత్వంలో అహింస మూవీతో అభి టాలీవుడ్ లో అరంగేట్రం చేస్తున్నాడు. ఈ సినిమాకు సంబంధించి ఇవాళ టీజర్ ను విడుదల చేసింది టీమ్. ప్రేమ‌క‌థ నేప‌థ్యంలో తెర‌కెక్కుతున్న ఈ చిత్రంలో గీతికా హీరోయిన్‌గా నటిస్తోంది.
ఒక ఇంగ్లీష్ (ముద్దు) ఇవ్వు..పోనీ తెలుగు ఇవ్వు..అని హీరోయిన్ అడుగుతుంటే..నేనివ్వ‌ను..నిన్ను అస్స‌లు ఇవ్వ‌నివ్వ‌ను అని హీరో అంటున్నాడు. హీరో హీరోయిన్ల మ‌ధ్య సాగే లవ్ ట్రాక్‌తో మొద‌లైన టీజర్.. ఫ్యామిలీ, ఎమోష‌న్స్, యాక్ష‌న్ పార్టుతో సాగుతూ సినిమాపై క్యూరియాసిటీని పెంచుతోంది.
ఈ చిత్రాన్ని ఆనంది ఆర్ట్స్ క్రియేష‌న్స్ బ్యాన‌ర్‌పై పీ కిర‌ణ్ తెర‌కెక్కిస్తున్నారు. ఇప్ప‌టికే విడుద‌లైన అభిరామ్ స్ట‌న్నింగ్ లుక్ ఒక‌టి నెట్టింట హ‌ల్ చ‌ల్ చేస్తున్న విష‌యం తెలిసిందే. జ‌యం సినిమాతో తేజ తెలుగు ప్రేక్ష‌కుల‌కు ప‌రిచ‌యం చేసిన స‌దా ఈ చిత్రంలో కీలక పాత్రలో నటిస్తోంది. నటుడు, దర్శకుడు సముద్రఖని విలన్ గా నటిస్తున్నారు.
