సోషల్ మీడియా వేదికగా జరిగే ఫ్యాన్ వార్ ఇప్పుడు రోడ్లపైకి వచ్చేసింది.బెంగళూరులో రెబల్ స్టార్ ప్రభాస్, స్టైలిష్ స్టార్ అల్లు అర్జున్ మధ్య ఫ్యాన్ వార్ జరిగినట్లుగా సోషల్ మీడియా లో ఓ వీడియో వైరల్ అవుతోంది. వీడియో ప్రకారం.. మైదానంలో క్రికెట్ ఆడుతుండగా ప్రభాస్ ,అల్లు అర్జున్ ఫ్యాన్స్ మధ్య వివాదం చెలరేగినట్లు తెలుస్తోంది. ఈ క్రమంలో ప్రభాస్ అభిమానిపై అల్లు అర్జున్ ఫ్యాన్స్ మూకుమ్మడిగా దాడి చేసినట్లు సమాచారం. ఈ దాడిలో ప్రభాస్ అభిమాని తీవ్రంగా గాయపడ్డాడు. దీనిపై పోలీసులు దర్యాప్తు చేయాలని ప్రభాస్ ఫ్యాన్స్ కోరుతున్నారు.
ఇక అభిమాన సినీ హీరో కోసం ఓ వ్యక్తిపై ఇంత ద్వేషం పెంచుకుని కొట్టడం సరికాదని సోషల్ మీడియా వేదికగా నెటిజన్లు మండిపడుతున్నారు. ‘ఇలాంటి దాడిలో మీరు గాయపడితే బాధపడేది మీ పేరెంట్సే. హీరోలంతా కలిసి బాగానే ఉంటారు. మరి ఫ్యాన్ వార్స్ ఎందుకు?’ అని నెటిజన్స్ కామెంట్స్ పెడుతున్నారు.
