శ్రీశైలం మల్లన్న దర్శనానికి వెళ్లే భక్తులకు బిగ్‌ షాక్‌. శ్రీశైలం మల్లన్న దర్శనానికి వెళ్లే భక్తులకు దేవస్థానం కీలక సూచనలు చేసింది. గురువారం నుంచి ఈ నెల 23వ తేదీ వరకు శ్రీశైలం మల్లన్న సర్వదర్శనం నిలిపి వేస్తున్నట్లు ఆలయ ఈవో లవన్న వెల్లడించారు. కార్తీకమాసం భక్తుల రద్దీ దృష్ట్యా స్వామి వారి సర్వదర్శనం నిలిపివేస్తున్నట్లు తెలిపారు.
భక్తులందరికీ సౌకర్యవంతమైన దర్శనం కల్పించేందుకు ఆర్జిత సేవ, సర్వదర్శనాలు నిలిపివేస్తూ దేవస్థానం నిర్ణయం తీసుకుందని ఈవో లవన్న వివరించారు. అయితే, ముందస్తుగా ఆన్ లైన్ లో టికెట్ తీసుకున్న భక్తులకు మాత్రం శుక్రవారం సర్వదర్శనం, గర్భాలయ అభిషేకాలు నిర్వహించనున్నట్టు ఈవో లవన్న పేర్కొన్నారు. ఇప్పటికే గర్భాలయ అభిషేకాలు, సామూహిక అభిషేకాలను దేవస్థానం నిలిపివేసింది.
