నేడు టిడిపి అధినేత చంద్రబాబు నాయుడుతో కుటుంబ సభ్యులు ములాఖాత్ కానున్నారు. రాజమండ్రి సెంట్రల్ జైలులోని టిడిపి అధినేత చంద్రబాబు రిమాండ్ నేటికి 16వ రోజుకు చేరింది. ఈ తరుణంలోనే నేడు జైలులో చంద్రబాబుతో ములాఖాత్ కానున్నారు కుటుంబ సభ్యులు. ఇందులో భాగంగానే ఇవాళ ఉదయం 8 గంటల తర్వాత ములాకాత్ కోసం చంద్రబాబు నాయుడు కుటుంబ సభ్యులు ధరఖాస్తు చేసే అవకాశం ఉందని సమాచారం ఉంది.
ములాఖాత్ కు చంద్రబాబు భార్య భువనేశ్వరీ, కోడలు నారా బ్రాహ్మణితో పాటు మరొకరు వెళ్లనున్నారు. కాగా, స్కిల్‌ డెవలప్మెంట్ సంస్థ నిధులు దుర్వినియోగం చేశారన్న ఆరోపణలతో అరెస్టయిన టీడీపీ అధినేత చంద్రబాబు నాయుడు ప్రస్తుతం రిమాండ్లో ఉన్నారు. రిమాండ్ గడువు, రెండు రోజుల సీఐడీ కస్టడీ ఆదివారం ముగియడంతో రాజమండ్రి జైలు నుంచి చంద్రబాబును వీడియో కాన్ఫరెన్స్‌ ద్వారా విజయవాడ ఏసీబీ కోర్టు ఎదుట హాజరుపరచారు. ఈ సందర్భంగా బాబు రిమాండ్ను వచ్చే నెల 5వ తేదీ వరకు పొడిగించారు.
