Nara Lokesh : టిడిపి నేత నారా లోకేష్ చేపట్టిన యువగళం పాదయాత్ర ఇవాళ తిరిగి ప్రారంభం కానుంది. కాకినాడ జిల్లా యు. కొత్తపల్లి మండలం శీలంవారి పాకల జంక్షన్ నుంచి పాదయాత్ర మొదలుకానుంది. ఇప్పటికే లోకేష్ శీలంవారి పాకల చేరుకున్నారు.
ఈ సందర్భంగా కాకినాడ సెజ్ బాధిత రైతులతో మాట్లాడనున్నారు. అనంతరం ఒంటిమామిడి కొత్తపాకల వద్ద ఆక్వా రైతులతో సమావేశం అవుతారు. రాత్రికి అక్కడే విడిది చేయనున్నారు. కాగా, తిరుమ‌ల-తిరుప‌తిలో ప్ర‌సాదం కంటే ప‌ర‌మ‌ప‌విత్రంగా భావించే అన్నప్రసాదాన్ని నాసిర‌కంగా పెడుతున్నారని ట్వీట్‌ చేశారు నారా లోకేష్. దాత‌లు ఇస్తు న్న విరాళాలు ఏమ‌వుతున్నాయి? అని ప్రశ్నించారు. నాసిర‌క‌మైన అన్న‌ప్ర‌సాదాలు అందిస్తూ భ‌క్తుల మ‌నో భావాలు గాయ‌ప‌రుస్తూ, ఆరోగ్యాన్ని దెబ్బ‌తీస్తున్న అవినీతి గ‌ద్ద‌ల‌ను ఈ వైసీపీ స‌ర్కారు కాపాడ‌వ‌చ్చు కానీ, ఆ శ్రీవా రు శిక్షించి తీరుతారని హెచ్చరించారు నారా లోకేష్.
