నారా లోకేష్ యువగళం జైత్రయాత్ర విజయోత్సవ సభకు చంద్రబాబు – పవన్ కళ్యాణ్ ఇద్దరూ హాజరుకానున్నారు. ఎల్లుండి ఉమ్మడిగా సార్వత్రిక ఎన్నికల శంఖారావం పూరించనుంది తెలుగుదేశం – జనసేన. రెండు పార్టీలు అదే రోజు కీలక ప్రకటన చేసే అవకాశం ఉంది. ఈ నెల 20వ తేదీన విజయనగరం జిల్లా భోగాపురం సమీపంలోని పోలిపల్లి వద్ద భారీ బహిరంగ సభ జరుగనుంది.
నిన్నటి చర్చల్లో యువగళం సభకు హజరయ్యే అంశంపై చర్చించారు చంద్రబాబు – పవన్ కళ్యాణ్. తక్కువ సమయం ఉన్నందున వీలైనన్ని ఉమ్మడి సభలు నిర్వహించాలని నిర్ణయం తీసుకున్నట్లు సమాచారం అందుతోంది. ప్రస్తుతానికి చంద్రబాబు – పవన్ కాంబినేషనులో ఏడు సభల నిర్వహాణకు ప్రణాళికలు చేస్తున్నారు టీడీపీ కార్యకర్తలు. ఈ తరుణంలోనే.. జనసేన కు 24 సీట్లు ఇచ్చినట్లు ప్రచారం జరుగుతోంది. రానున్న అసెంబ్లీ ఎన్నికల్లో జనసేనకు 24 సీట్లు కేటాయిస్తున్నట్లు ఎల్లో మీడియా ప్రచారం చేస్తోంది. అలాగే.. రెండు ఎంపీలు కూడా ఉన్నట్లు చెబుతున్నారు.
