తెలంగాణ రైతులకు బిగ్ షాక్ తగిలింది. గడ్డి మందులపై కేసీఆర్ ప్రభుత్వం కీలక నిర్ణయం తీసుకుంది. గ్లైఫోసెట్ మందుపై నిషేధం విధించింది తెలంగాణ రాష్ట్ర ప్రభుత్వం. అన్ని రకాల కలుపు మొక్కల నివారణ కోసం ఉపయోగించే గ్లైఫోసిట్ 41% ఎస్ఎల్ నాసిరకమని పరీక్షల్లో గుర్తించినట్లు రాష్ట్ర వ్యవసాయ శాఖ వెల్లడించింది.
మహారాష్ట్ర బయోఫెర్టిలైజర్స్ లిమిటెడ్ తయారుచేసి విక్రయిస్తున్న ఈ మందును నిషేధిస్తున్నామని, రైతులెవరు దీనిని కొనవద్దని, వ్యాపారులు అమ్మవద్దని హెచ్చరించింది. ఇకముందు వీటిని వాడితే, లేక అమ్మితే కఠిన చర్యలు తప్పవని హెచ్చరికలు జారీ చేసింది. కాగా ప్రస్తుతం తెలంగాణ రాష్ట్రంలో మరియు ఇతర ప్రాంతాల్లో కూలీల సమస్య అధికంగా ఉంది. ఈ నేపథ్యంలోనే చాలామంది రైతులు గడ్డి మందులు వాడుతున్నారు. కూలీల ఖర్చు కంటే గడ్డి మందు తక్కువ అవుతుందనే తరుణంలో…. రైతులు గడ్డి మందులు కొట్టడానికి ఆసక్తి చూపిస్తున్నారు. అయితే ప్రభుత్వం తాజాగా తీసుకున్న నిర్ణయంతో… రైతులు ఎలా స్పందిస్తారో చూడాలి.
