మహారాష్ట్రలోని పుణెలో ఉన్న గూగుల్ కార్యాలయంలో బాంబు కలకలం సృష్టించింది. ఆ బ్రాంచ్ ఆఫీసులో బాంబ్ ఉందంటూ బెదిరింపు కాల్ వచ్చింది. అప్రమత్తమైన అధికారులు, పోలీసులు విస్తృత తనిఖీలు నిర్వహించారు. చివరకు అది ఫేక్ అని తేలింది. అయితే ఈ బెదిరింపు కాల్కు పాల్పడ్డ వ్యక్తిని మహారాష్ట్ర పోలీసులు హైదరాబాద్లో అరెస్ట్ చేశారు.
ముంబయిలోని బాంద్రా కుర్లా కాంప్లెక్స్ ఉన్న గూగుల్ ఆఫీస్కు ఆదివారం ఓ వ్యక్తి కాల్ చేశాడు. పుణె కోరేగావ్ పార్క్లో ఉన్న గూగుల్ కార్యాలయంలో బాంబు ఉన్నట్లు చెప్పాడు. వెంటనే ముంబయి పోలీసులకు కార్యాలయ సిబ్బంది సమాచారం అందించగా.. వారు అప్రమత్తమై పుణె పోలీసులను అలెర్ట్ చేశారు.
పుణె పోలీసులు వెంటనే గూగుల్ ఆఫీసుకు చేరుకుని బాంబు డిటెక్షన్ స్క్వాడ్ సాయంతో విస్తృత తనిఖీలు చేపట్టారు. కార్యాలయంలో ఎక్కడా ఎలాంటి అనుమానాస్పద వస్తువులు లభించలేదు. ఎలాంటి బాంబు లేదని, అది బూటకపు కాల్ అని నిర్ధరించుకున్నారు.
