ప్రముఖ రచయిత కంచ ఐలయ్య 2000 సంవత్సరంలో రాసిన ‘మనతత్వం’ పుస్తకంపై కేసు నమోదైంది. ఈ కేసుకు సంబంధించి ఐలయ్యకు ఇదివరకే కోర్టు సమన్లు జారీ చేసింది. దీంతో అక్టోబర్ 12వ తేదీన కరీంనగర్ ఎడిషనల్ సెషన్ కోర్టుకు ఆయన హాజరు కానున్నారు. అయితే ఈ పుస్తకం 1998-2000 సంవత్సరం వరకు ఓ ప్రముఖ వారపత్రికలో వరుసగా ప్రచూరింపబడింది. ఆ తర్వాత పుస్తకం ప్రింట్ చేయడం ప్రారంభించారు. ఈ పుస్తకం వెలువడినప్పటి నుంచి చర్చల్లో నిలిచింది.
తాజాగా బేతి మహేందర్ రెడ్డి అనే వ్యక్తి ఈ పుస్తకానికి వ్యతిరేకంగా కోర్టులో ఫిర్యాదు చేశాడు. తాను క్షత్రియుడినని చెప్పుకుని, ఈ పుస్తకంలో క్షత్రియులకు అవమానం జరిగిందని తెలిపాడు. అయితే ఈ పుస్తకం వెలువడి 22 ఏళ్లు దాటింది. ఇప్పుడు ఈ పుస్తకంపై కేసు నమోదు కావడం ప్రశ్నార్థకంగా మారింది. 2017లో కూడా ఐలయ్య రాసిన మరో పుస్తకంపై కేసు నమోదైంది. కోరుట్ల కోర్టుకు హాజరైన క్రమంలో రచయిత ఐలయ్యపై దాడులు కూడా జరిగాయి.
