ప్రశాంతంగా ఉన్న విజయవాడలో కాల్పుల కలకలం చెలరేగిందన్న సంగతి తెలిసిందే. విజయవాడ పోలీస్‌ కమిషనరేట్‌ లో పని చేస్తున్న మహేష్ అనే వ్యక్తిని గుర్తు తెలియని వ్యక్తులు దారుణంగా హత్య చేశారు. మొన్న అర్థరాత్రి ఈ ఘటన జరిగింది. నిందితుడు మహేష్ గత కొన్ని రోజులుగా భూ వివాదాల్లో జోక్యం చేసుకుంటున్నట్లు అనుమానాలు కూడా వ్యక్తం అవుతున్నాయి. అయితే ఈ కాల్పుల ఘటనలో పోలీసులు కీలక సాక్ష్యాధారాలను గుర్తించారు.
నిందితుల సీసీటీవీ ఫుటేజ్‌ను గుర్తించారు పోలీసులు. మహేష్‌పై కాల్పులు జరిపిన ఇద్దరు దుండగులు మహేష్ స్నేహితుడైన హరి కారులోనే పరారయ్యారు. ఘటనా స్థలానికి 5 కిలోమీటర్ల దూరంలో ఉన్న ముస్తాబాద్‌ లో ఈ కారు వదిలేసి వెళ్లి పోయారని గుర్తించారు. వాళ్లి ద్దరూ పాత నేరస్తులై ఉండొచ్చని అనుమానిస్తున్న పోలీసులు ఇద్దర్నీ గుర్తించే ప్రయత్నం చేస్తున్నారు. మరోవైపు మహేష్ స్నేహితులను ప్రశ్నించడంతో పాటు… అతని కాల్‌ డేటాను విశ్లేషిస్తున్నారు.
