తెలంగాణ శాస‌న‌స‌భ ఎన్నిక‌ల షెడ్యూల్ విడుద‌లైన నేప‌థ్యంలో అధికార పార్టీ భారీ బహిరంగ స‌భ‌ల‌కు ప్రణాళిక సిద్ధం చేసింది. హుస్నాబాద్ నియోజ‌క‌వ‌ర్గం నుంచి ఎన్నిక‌ల శంఖారావం పూరించేందుకు గులాబీ బాస్ సిద్ధ‌మ‌య్యారు. ఈ క్ర‌మంలో అక్టోబ‌ర్ 15వ తేదీ నుంచి ముఖ్య‌మంత్రి కేసీఆర్ జిల్లాల్లో ప‌ర్య‌టించ‌నున్నారు. 15న హుస్నాబాద్ నియోజ‌క‌వ‌ర్గంలో నిర్వ‌హించే బహిరంగ సభలో సాయంత్రం 4 గంట‌ల‌కు సీఎం కేసీఆర్ పాల్గొన‌నున్నారు. 16వ తేదీన జనగామ, భువ‌న‌గిరి నియోజ‌క‌వ‌ర్గాల్లో, 17న సిద్దిపేట, సిరిసిల్ల నియోజ‌క‌వ‌ర్గాల్లో, 18న జ‌డ్చ‌ర్ల నియోజ‌క‌వ‌ర్గంలో 2 గంట‌ల‌కు, సాయంత్రం 4 గంట‌ల‌కు మేడ్చల్ నియోజ‌క‌వ‌ర్గంలో నిర్వ‌హించే బహిరంగ స‌భ‌ల్లో సీఎం కేసీఆర్ పాల్గొంటారు.
16న జనగామ, భువనగిరిలో బహిరంగ సభను నిర్వహించనున్నారు. 17న సిద్ధిపేట, సిరిసిల్ల, 18న, మేడ్చల్, సిరిసిల్ల జిల్లాల్లో పర్యటించి అక్కడ జరిగే బహిరంగ సభలో ఆయన ప్రసంగించనున్నారు. ఈ నెల 15న బీఆర్ఎస్ అభ్యర్థులతో కేసీఆర్ సమావేశం నిర్వహించనున్నారు. అదే సమావేశంలో అభ్యర్థులందరికీ బీఫారంలు అందచేయనున్నారు. దీనికి సంబంధించిన ఏర్పాట్లు చేయాలని పార్టీ కార్యాలయం నుంచి సంబంధిత అభ్యర్థులకు సమాచారం అందింది.
