తెలుగుదేశం పార్టీ కీలక నేత టాలీవుడ్ సినీ నటి దివ్య వాణి ఇటీవల తెలుగుదేశం పార్టీకి రాజీనామా చేసిన సంగతి తెలిసిందే. అయితే టిడిపి పార్టీకి రాజీనామా చేసిన అనంతరం దివ్యవాణి వైసీపీ పార్టీలోకి వెళ్తారని వార్తలు వచ్చాయి.
అయితే దివ్యవాణి వైసీపీ పార్టీలో కాకుండా కేంద్రంలో అధికారంలో ఉన్న భారతీయ జనతా పార్టీలో చేరాలని నిర్ణయం తీసుకున్నారని తెలుస్తోంది. ఈ మేరకు ఇప్పటికే అగ్రనాయకత్వం తో ఆమె చర్చలు కూడా జరిపినట్లు సమాచారం అందుతోంది.
అన్నీ కుదిరితే మరో రెండు రోజుల్లో బీజేపీ కండువా కప్పుకోనున్నారు దివ్య వాణి. ఇదిలా ఉండగా తాజాగా మీడియాతో దివ్యవాణి మాట్లాడుతూ టిడిపి పార్టీ పై సంచలన వ్యాఖ్యలు చేశారు.
ఎన్టీఆర్‌ పెట్టిన పార్టీలో పాములు పుట్ట పెట్టాయని సినీనటి దివ్యవాణి విమర్శలు చేశారు. ఎన్టీఆర్‌పై అభిమానంతో ఏపీ సీఎం వైఎస్‌ జగన్ ఒక జిల్లాకు ఆయన పేరు పెట్టారు. తెలంగాణ సీఎం కేసీఆర్ తన కొడుక్కి ఎన్టీఆర్‌ పేరు పెట్టారు. గుడివాడ ఎమ్మెల్యే కొడాలి నాని వైఎస్సార్‌సీపీలో ఉన్నప్పటికీ ఎన్టీఆర్‌పై అభిమానంతో మాట్లాడుతుంటారని తెలిపారు సినీనటి దివ్యవాణి.
