కొత్త కరోనా టెన్షన్ ఇండియాని ఏమాత్రం వదలడం లేదు. ఇప్పటికే లండన్ లో ఈ కొత్త కరోనా టెన్షన్ పెడుతోంది. ఈ క్రమంలో ఇప్పటికే భారత్ బ్రిటన్ దేశాల నుంచి వచ్చే అన్ని విమానాలను నిషేధించింది. ఈరోజు రాత్రి వరకు మాత్రమే విమానాలు భారత్ కు రానున్నాయి. ఈ రోజు రాత్రి 12 గంటల తర్వాత ఏ విమానం కూడా భారత్ రాదు. అంతే కాక గత వారం రోజుల నుంచి బ్రిటన్ నుంచి వచ్చిన అందరిని ట్రేస్ చేసే పనిలో పడ్డాయి కేంద్ర, రాష్ట్ర ప్రభుత్వాలు.
అయితే తాజాగా అందుతున్న సమాచారం మేరకు బ్రిటన్ నుంచి వచ్చిన ఎనిమిది మంది వారికి కరోనా పాజిటివ్ అని తేలింది. వారిలో ఐదుగురిని ఢిల్లీలో గుర్తించగా ఇద్దరిని కలకత్తాలో గుర్తించారు. మరొకరిని చెన్నైలో గుర్తించారు. వీరందరిని స్పెషల్ కరోనా హాస్పిటల్ కి తరలించి చికిత్స అందిస్తున్నారు. వీరందరి శాంపిల్స్ ని పూణే వైరాలజీ ల్యాబ్ కు పంపారు. వీరిలో కొత్త కరోణ లక్షణాలు ఏమైనా ఉన్నాయా లేక పోతే మామూలు కరోనా వైరస్ ఏనా అనే అంశాలు శాంపుల్స్ ని టెస్ట్ చేశాక తెలిసే అవకాశం కనిపిస్తోంది.
