టమాటాల కోసం తాత‌పై ఓ యువ‌తి దారుణం

-


త‌న‌
కు ఇష్ట‌మైన ట‌మాటాల కోసం ఓ యువ‌తి అమానుషంగా ప్ర‌వ‌ర్తించింది. వ‌ద్ద‌న్న కుటుంబీకుల‌పై దారుణానికి ఒడి గ‌ట్టింది. దీంతో కోపంతో ఊగి పోయిన ఆ యువ‌తి సొంత తాత‌పైనే దారుణంగా ప్ర‌వ‌ర్తించింది.కేవ‌లం టమాటాల కోసం 19 ఏళ్ల యువతి ఇలా ప్ర‌వ‌ర్తించింది. ఆమె చేసిన ప‌నికి పోలీసు కేసు కూడా న‌మోదు కావ‌డంతో జైలు పాల‌య్యింది. అమెరికాలోని ఫ్లోరిడా రాష్ట్రం నాసావు కౌంటీలో ఈ ఘ‌ట‌న ఆశ్చ‌ర్యానికి గురి చేస్తుంది.

పోలీసుల వివరాల ప్ర‌కారం
కేటీ జాడే గేట్స్(19) అనే యువతి తన తాతయ్య, నాన్నమ్మలతో కలిసి నాసావు కౌంటీలోని కల్లాహన్ టౌన్‌లో నివాసముంటోంది. ఈ క్రమంలో ఈ నెల 12న రాత్రి భోజనం సమయంలో కుటుంబ సభ్యులతో కలిసి కేటీ జాడే డిన్నర్‌కు ఉపక్రమించింది. టమోటాలు అంటే ఎంతో ఇష్టంగా తినే ఆమెకు ఆ రోజు తన వాటా కంటే ఎక్కువ తింటానని పట్టుబట్టింది. దానికి ఆమె తాతయ్య అంగీకరించలేదు. అంతే.. కేటీ జాడే ఒక్కసారిగా ఆగ్రహానికి గురైంది. చేతిలో ఏం దొరికితే వాటితో వృద్ధులపై దాడికి పాల్పడింది. నాన్నమ్మ వారిస్తున్న వినిపించుకోకుండా ఆమె కంటిపై సిగరెట్ ప్యాకెట్‌ను విసిరికొట్టింది. అంతటితో అంతటితో ఆగకుండా 65 ఏళ్ల వృద్ధుడైన తాతను చేత కత్తి పట్టుకొని పొడిచేస్తానంటూ ఇంట్లోంచి తరిమికొట్టడం మొదలెట్టింది. ఆమె చర్యతో భయపడిపోయిన ముసలాయన చేసేదేమిలేక ఇంట్లోంచి బయటకు పరిగెత్తాడు. చేతిలో కత్తితో వృద్ధుడిని తరుముకుంటూ వెళ్లిన కేటీ జాడే ఎమైనా చేస్తుందేమోనని భయపడిన ఆమె కుటుంబ సభ్యులు పోలీసులకు సమాచారం అందించారు. వారి సమాచారంతో ఘటనాస్థలికి చేరుకున్న నాసావు కౌంటీ పోలీసులు ఆమెను అదుపులోకి తీసుకున్నారు. అనంతరం ఆమెపై వృద్ధుడి మీద మారణాయుధంతో దాడి, తీవ్ర హింస కింద కేసు నమోదు చేసి కటకటాల్లోకి నెట్టారు. తాజాగా యువతిని పోలీసులు స్థానిక కోర్టులో హాజరుపరిచారు. కోర్టులో విచారణ అనంతరం రూ. 12 లక్షల 70వేల పూచీకత్తుపై యువతి విడుదలైంది.అలాగే బాధితులతో ఎటువంటి సంబంధం కలిగి ఉండకూడదని యువతిని న్యాయమూర్తి ఆదేశించారు.

 

Read more RELATED
Recommended to you

Latest news