Good Luck Sakhi : టాలీవుడ్ మహానటి కీర్తి సురేశ్ ప్రధాన పాత్ర‌లో న‌టించిన చిత్రం ‘గుడ్ లక్ సఖి’. స్పోర్ట్స్ బ్యాగ్ డ్రాప్ తెర‌కెక్కుతున్న ఈ సినిమాలో కీర్తి సురేశ్ రైఫిల్‌ షూటర్‌గా నటించింది. ఈ సినిమాలో ఆది పినిశెట్టి, జగపతి బాబు, రాహుల్ రామకృష్ణ తదితరులు ప్రధాన పాత్రల్లో నటించారు. 2019, ఏప్రిల్‌లో నాగేశ్‌ కుకునూర్‌ దర్శకత్వంలో ప్రారంభం అయిన ఈ చిత్రం ఇప్పటి వ‌ర‌కూ ప‌లు కార‌ణాల‌తో వాయిదా ప‌డుతూ వ‌స్తుంది.
ఇక కొద్ది రోజుల క్రితం విడుదల అయిన సినిమా టీజర్‌ కూడా సినిమాపై మరిన్ని అంచనాలు పెంచేసింది. ఎప్పుడెప్పుడూ విడుదల కానున్న‌ద‌ని వేచి చూస్తున్న ప్రేక్షకుల్ని త్వ‌ర‌లోనే పలకరించనుంది. ఈ నెల 26న ఈ చిత్రం ప్రేక్షకుల ముందుకు రానున్న‌ట్టు చిత్ర బృందం ప్రకటించింది. ఈ మేరకు ఓ పోస్టర్‌ని విడుదల చేసింది. ఈ సినిమాన్ని సుధీర్‌ చంద్ర నిర్మిస్తున్నారు. ఈ చిత్రానికి దేవిశ్రీ ప్రసాద్‌ సంగీతం అందించారు. ఆది, జగపతి బాబు కీలక పాత్రలు పోషించారు.
ఇదిలా ఉంటే.. గతేడాది కీర్తి సురేశ్ న‌టించిన పెంగ్విన్’, ‘మిస్ ఇండియా’ చిత్రాలు ఓటీటీలో వేదిక‌గా విడుద‌లై.. ప్రేక్షకుల్ని తీవ్రంగా నిరాశపరచాయి. అందుకే ‘గుడ్లక్ సఖి’ చిత్రాన్ని థియేటర్లలోనే విడుదల చేయాలని మూవీ మేక‌ర్స్ భావించినట్లు తెలుస్తోంది. కీర్తి సురేష్.. ప్రస్తుతం ‘సర్కారు వారి పాట’ సినిమాలో మహేష్ బాబు సరసన హీరోయిన్ గా నటిస్తుంది. ఈ చిత్రం వచ్చే ఏడాది సంక్రాంతి కానుకగా విడుదల కానుంది. అలాగే.. సిస్ట‌ర్ సెంటిమెంట్ ప్ర‌ధానంగా సాగే భోళా శంక‌ర్ చిత్రంలో చిరంజీవి చెల్లెలు పాత్ర‌లో కీర్తి సురేశ్ నటిస్తుంది.
