హాయ్ నాన్న.. ఇటీవల రిలీజై సైలెంట్‌ హిట్‌ కొట్టిన సినిమా. తండ్రీకూతుళ్ల సెంటిమెంట్‌తో వచ్చిన ఈ సినిమాకు మొదట్లో యావరేజ్‌ టాక్‌ వచ్చింది. సినిమా చాలా క్లాస్‌గా ఉందని అనుకున్నారు. కానీ మెల్లమెల్లగా సినిమా జనాలకు ఎక్కింది. ఫ్యామిలీ ఆడియన్స్‌కు విపరీతంగా నచ్చేసింది.నాని, మృణాల్‌ ఠాకూర్‌ జంటగా వచ్చిన హాయ్ నాన్న సినిమా డిసెంబర్‌ 7న విడుదలైంది. ఈ చిత్రంలో హీరో ,హీరోయిన్ కెమిస్ట్రీ కూడా క్యూట్‌గా ఉంది.శౌర్యువ్ ఈ చిత్రాన్ని తెరకెక్కించారు.
ఇదిలా ఉంటే…’హాయ్ నాన్న’ మూవీకి అంతర్జాతీయ పురస్కారం దక్కింది. ఏథెన్స్ ఇంటర్నేషనల్ ఆర్ట్ ఫిలిం ఫెస్టివల్లో ఈ సినిమా బెస్ట్ ఫీచర్ ఫిలిం అవార్డు సొంతం చేసుకుంది. ఈ చిత్రం లో బేబీ కియారా, జయరాం, ప్రియదర్శి పులికొండ, అగంద్‌ బేబీ, విరాజ్‌ అశ్విన్‌, శ్రుతిహాసన్‌ తదితరులు కీలక పాత్రల్లో నటించారు.హషీమ్‌ అబ్దుల్‌ వాహబ్‌ సంగీతం అందించాడు.వైరా ఎంటర్‌టైన్‌మెంట్స్‌ పై మోహన్‌ చెరుకూరి, డాక్టర్‌ విజేందర్‌రెడ్డి తీగల నిర్మించారు.
