నెమలిలా నాట్యం చేస్తూ… నటనలో వైవిధ్యాన్ని ప్రదర్శిస్తూ… పోషించిన ప్రతి పాత్రలోనూ చక్కగా ఒదిగిపోతుంది సాయి పల్లవి. అయితే ఇప్పటివరకు సాయిపల్లవి ఆ పని మాత్రం చేయలేదట. అదెంటో ఓ సారి తెలుసుకుందాం.
సినిమా ఒక గ్లామర్ ప్రపంచం.. ఇందులో నెగ్గుకురావాలంటే ఉన్నంత కాలం గ్లామర్ను మెయింటైన్ చేస్తూనే ఉండాలి. ఫిట్ నెస్, పార్లర్స్, జిమ్, డైట్.. అంటూ ప్రతి హీరోయిన్ తన బాడీని పర్ఫెక్ట్ గా ఉంచుకోవడానికి కష్టపడుతూనే ఉన్నారు. అయితే ఈ జనరేషన్లో ఇవేమి చేయని ఏకైక హీరోయిన్ సాయి పల్లవి.. అవును ఇప్పటివరకు జిమ్ కు వెళ్లని ఏకైక హీరోయిన్ సాయి పల్లవి. ఈ విషయాన్నీ ఆమె స్వయంగా ఒక ఇంటర్వ్యూలో చెప్పుకొచ్చింది.
తన ఫిట్ నెస్ సీక్రెట్ కేవలం డ్యాన్స్ అని, నిత్యం డ్యాన్స్ చేయడం వలనే తాను ఫిట్ గా ఉంటానని తెలిపింది. ఇక ఇప్పటివరకు జిమ్ లోకి అడుగుపెట్టింది కూడా లేదని, అసలు తనకు ఏ రోజు ఆ అవసరం రాలేదని చెప్పింది. ఇక న్యాచురల్ గా ఉండడానికి కూడా ఆమె ఎటువంటి బ్యూటీ ప్రోడక్ట్ ను వాడదట. ఇంట్లో తన తల్లి చెప్పే చిట్కాలనే ఆమె ఎక్కువ పాటిస్తుందట.
ఇక సాయిపల్లవికి సమయం దొరికితే డ్రైవింగ్‌ చేస్తుందట. మా పెరట్లో సీతాకోక చిలుకల్ని పట్టి వదిలేస్తుంటా. పూలతో రంగోలీలూ ప్రయత్నిస్తుంటా. అని ఓ ఇంటర్వ్యూలో చెప్పుకొచ్చింది. ఇక ఆమె క్రష్ గురించి తెలిపింది. నాకు చిన్నతనం నుంచీ సూర్య అంటే క్రష్. ఆయనతో ఒక్క సినిమాలో అయినా నటించాలనుండేది. ‘ఎన్‌జీకే’తో ఆ కోరిక తీరిందంటూ చెప్పుకొచ్చింది ఈ భామ. ఇక ప్రస్తుతం సాయి పల్లవి పలు సినిమాలతో బిజీగా మారింది. త్వరలోనే ఆమె నటించిన సినిమాలు రిలీజ్కు సిద్ధమవుతున్నాయి.
