సౌత్ ఇండియన్ లేడీ సూపర్ స్టార్ గా గుర్తింపు తెచ్చుకున్న నయనతార గురించి మనం ప్రత్యేకంగా చెప్పనవసరంలేదు. సినిమాలో ఎంతో మంది స్టార్ హీరోలతో కలిసి నటించిన ఈ ముద్దుగుమ్మ.. మరింత అభిమానాన్ని సొంతం చేసుకుంది. తన నటనతో ఎంతో మంది అభిమానులను సొంతం చేసుకున్న నయనతార ప్రస్తుతం ఒక్కో సినిమాకు ఐదు కోట్ల రూపాయల వరకూ పారితోషికం తీసుకుంటూ ఉండటం గమనార్హం. ఇక నిర్మాతలు కూడా నయనతార కు ఉన్న క్రేజ్ ను చూసి ఆమెకు ఎంత పారితోషికం అయినా సరే ఇవ్వడానికి సిద్ధంగా ఉన్నారు. ఇదిలా ఉండగా నయనతార ప్రముఖ తమిళ దర్శకుడు విగ్నేష్ ను ప్రేమించు మరీ ఈనెల 9వ తేదీన వివాహం చేసుకోబోతోంది. ఇందుకు సంబంధించిన పెళ్లి పనులు కూడా శరవేగంగా జరుగుతున్నాయి.
ఇక నెట్ ఫ్లిక్స్ ఓ టీ టీ వేదికగా నయనతార పెళ్లి స్ట్రీమింగ్ అవడం పై నెటిజన్ల నుంచి నెగిటివ్ కామెంట్లు కూడా వస్తున్నాయి . నయనతార ప్రతి విషయంలో కూడా మనీ మైండెడ్ గా ఆలోచిస్తున్నారు అని కొంతమంది అభిప్రాయపడుతున్నారు. ఇదిలా ఉండగా నయనతారకు ఊహించని ట్విస్ట్ ఎదురైనట్లు తెలుస్తోంది. అయితే నయనతారను కోడలిగా చేసుకోవడానికి విగ్నేష్ శివన్ తల్లి మీనాకుమారి ఒక షరతు విధించారు అని ఇండస్ట్రీలో జోరుగా వార్తలు వినిపిస్తున్నాయి. అదేమిటంటే నయనతార వివాహం అనంతరం నటనకు పూర్తిగా దూరంగా ఉండాలని.. సినిమాలలో నటించినా మంచి పాత్రలో మాత్రమే నటించమని ఆమె సూచించినట్లు సమాచారం. ఇక నయనతార కూడా ఈ కండిషన్ కి ఓకే చెప్పారట.
కాకపోతే ఇలా వైరల్ అవుతున్న విషయం పై అటు నయనతార కానీ విఘ్నేష్ శివన్ కానీ ఎవరు క్లారిటీ ఇవ్వలేదు.వరుస విజయాలతో చేతినిండా ఆఫర్లతో దూసుకుపోతున్న నయనతార ఉన్నట్టుండి పెళ్లి తర్వాత సినిమాలకు దూరం కావాలి అంటే మరి ఈ విషయంపై ఎవరు ఎలా స్పందిస్తారో తెలియాల్సి ఉంది.
