ఓ విమానయాన సంస్థ ఏకంగా ఆ దేశ అధ్యక్షురాలినే తమ సంస్థకు చెందిన విమానాల్లో ప్రయాణించకుండా నిషేధం విధించింది. ఇంతకీ ఏ దేశ అధ్యక్షురాలు.. అది ఏ విమానయాన సంస్థ.. అసలు ఎందుకు ఆ నిర్ణయం తీసుకోవాల్సి వచ్చింది అంటే..?
జార్జియాకు చెందిన విమానయాన సంస్థ జార్జియన్‌ ఎయిర్‌వేస్‌ కీలక నిర్ణయం తీసుకుంది. తమ సంస్థకు చెందిన విమానాల్లో ప్రయాణించకుండా ఆ దేశ అధ్యక్షురాలు శాలోమ్‌ జౌరాబిష్‌విలి పైనే నిషేధం విధించింది. జార్జియాతో విమాన సర్వీసులపై నాలుగేళ్లపాటు నిషేధం విధించిన రష్యా ఇటీవలే ఆ నిషేధాన్ని ఎత్తివేస్తున్నట్టు ప్రకటించింది. దీనిపై అసంతృప్తి వ్యక్తం చేసిన జార్జియా అధ్యక్షురాలు శాలోమ్‌ జౌరాబిష్‌విలి మాస్కోపై విధిస్తున్న ఆంక్షలను పాటించాలని రష్యా ప్రతిపాదనకు లొంగవద్దని ఆమె పిలుపునిచ్చారు. వీటిని లెక్కచేయని జార్జియన్‌ ఎయిర్‌వేస్‌ విమానం.. మాస్కోకు బయలుదేరింది.
దీనిపై స్పందిస్తూ ఆ విమానంలో ప్రయాణించనని అధ్యక్షురాలు పేర్కొన్నారు. ఇలా అధ్యక్షురాలు హెచ్చరికలపై జార్జియన్‌ ఎయిర్‌వేస్‌ వ్యవస్థాపకురాలు తమాజ్‌ డయాస్‌విలి స్పందించారు. జార్జియన్‌ ప్రజలకు క్షమాపణలు చెప్పేంతవరకు అధ్యక్షురాలిని తమ విమానాల్లో అనుమతించబోమని, నిషేధం విధిస్తున్నామని వెల్లడించారు.
