ఒకప్పుడు సన్ రైజర్స్ హైదరాబాద్ మ్యాచ్ అంటేనే బోరింగ్ అనే మాట వినిపించేది. కానీ ఇప్పుడు..భారీ స్కోర్లతో ప్రత్యర్థులకు ముచ్చెమటలు పట్టిస్తోన్న సన్ రైజర్స్ హైదరాబాద్ పైనే అందరి దృష్టి ఉంది. ప్రత్యర్థులకు సన్’స్ట్రోక్’ తెప్పిస్తున్న ఆ జట్టు మ్యాచ్ కోసం అభిమానులు ఆసక్తిగా ఎదురుచూస్తున్నారు. కాసేపట్లో ఉప్పల్ వేదికగా రాయల్ చాలెంజర్స్ బెంగళూరుతో మ్యాచ్ ప్రారంభం కానుంది. దీంతో నగరంలో సన్ రైజర్స్ హైదరాబాద్ ఫ్యాన్స్ భారీ కటౌట్లు ఏర్పాటు చేశారు.
ఇవాళ గెలిస్తే ఆరెంజ్ టీమ్ 12 పాయింట్లతో రెండో స్థానానికి చేరనుంది. ఇప్పటికే దాదాపుగా ప్లేఆఫ్స్ ఛాన్స్ కోల్పోయిన రాయల్ చాలెంజర్స్ బెంగళూరు.. ఎలాగైనా గెలిచి పరువు నిలుపుకోవాలనుకుంటోంది. ఈ సీజన్లో మూడు సార్లు 250+ స్కోర్లు సన్ రైజర్స్ హైదరాబాద్ చేసింది. సా. 7.30 గంటల వరకు టీవీల ముందు వాలిపోయేందుకు అభిమానులు సిద్ధమవుతున్నారు.
