తెలుగుదేశం పార్టీ-జనసేన మధ్య ఓ పక్క పొత్తుల చర్చలు జరుగుతుండగా.. మరో ప్రక్క జనసేన అధ్యక్షుడు పవన్ కళ్యాణ్ పోటీ చేసే స్థానంపై ఉత్కంఠ నెలకొంది. గత ఎన్నికల్లో గాజువాక , భీమవరం స్థానాల్లో పోటీ చేసిన పవన్ కళ్యాణ్….. పొత్తు నేపథ్యంలో ఈ సారి ఒక్క స్థానంలోనే బరిలోకి దిగే అవకాశం ఉంది. దీంతో పవన్ ఈ రెండు స్థానాల్లో ఏదో ఒకటి ఎంచుకుంటారా? లేక కాకినాడ సిటీ, పిఠాపురం, కొత్తపేట, తిరుపతి, భీమిలి స్థానాలను పరిశీలిస్తున్నారా? అనేది తెలియాల్సి ఉంది.
ఇదిలా ఉంటే….పవన్ కళ్యాణ్ ఈ నెల 14 నుంచి 17 వరకు ఉభయ గోదావరి జిల్లాల్లో పర్యటించనున్నారు.ఈ మేరకు పర్యటనకు సంబంధించిన అధికారిక వివరాలు పార్టీ నేతలు వెల్లడించారు.ముందుగా బీమవరం నియోజకవర్గంలో తొలి సభ నిర్వహించనున్నారు.అమలాపురం, కాకినాడ, రాజమండ్రిలో ఆయన సమావేశాలు నిర్వహించనున్నారు.
