ఆంధ్ర ప్రదేశ్ నూతన గవర్నర్గా ఇవాళ జస్టిస్ అబ్దుల్ నజీర్ ప్రమాణ స్వీకారం చేయనున్నారు. ఈరోజు ఉదయం తొమ్మిది గంటలకు ప్రమాణ స్వీకార కార్యక్రమం ప్రారంభం కానుంది. రాజ్భవన్లో నూతన గవర్నర్ జస్టిస్ నజీర్‌తో హైకోర్టు ప్రధాన న్యాయమూర్తి జస్టిస్ ప్రశాంత్‌ కుమార్‌ మిశ్రా ప్రమాణ స్వీకారం చేయించనున్నారు.
ప్రమాణ స్వీకారానికి ఏపీ ముఖ్యమంత్రి జగన్‌తోపాటు ప్రజాప్రతినిధులు, అధికారులు హాజరు కానున్నారు. జస్టిస్ అబ్దుల్ నజీర్ గతంలో సుప్రీంకోర్టు న్యాయమూర్తిగా సేవలందించారు. ఈ ఏడాది జనవరి నాలుగో తేదీన పదవీ విరమణ చేశారు. పదవీ విరమణ అనంతరం జస్టిస్ అబ్దుల్ నజీర్‌ను ఏపీ మూడవ గవర్నర్గా ఈనెల 12వ తేదీన నియమించారు.
