బాలీవుడ్ న‌టి కంగ‌నా ర‌నౌత్‌కు చెందిన ఆఫీస్‌ను కూల్చివేయ‌డంతో ఆమెకు, ఆ రాష్ట్ర స‌ర్కారుకు మ‌ధ్య ప్ర‌స్తుతం ప‌చ్చ‌గ‌డ్డి వేస్తే భ‌గ్గుమంటోంది. శివ‌సేన పేరు చెబితే కంగ‌నా మండిప‌డుతోంది. ఇప్ప‌టికే శివ‌సేన స‌ర్కారుపై ఆమె అటాక్ ప్రారంభించింది. ఈ క్ర‌మంలోనే తాజాగా ఆమె సీఎం ఉద్ధ‌వ్ ఠాక్రేపై మ‌రో అస్త్రం సంధించింది. అత‌న్ని ఆమె 10 త‌ల‌ల రావణుడితో పోలుస్తూ ఓ ట్వీట్ చేసింది.
మ‌హారాష్ట్ర సీఎం ఉద్ధ‌వ్ ఠాక్రేను కంగ‌నా ర‌నౌత్ 10 త‌ల‌ల రావణుడితో పోలుస్తూ తాజాగా ట్వీట్ చేసింది. ఈ మేర‌కు సీఎం ఠాక్రేకు చెందిన ఓ ఫొటోను ఆమె ట్విట్ట‌ర్ పోస్ట్ చేసింది. అందులో ఛ‌త్ర‌ప‌తి శివాజీ మ‌హ‌రాజ్ న‌టి కంగ‌నాకు ఖ‌డ్గాన్ని అంద‌జేస్తుంటాడు. వెనుక వైపు సీఎం ఉద్ధ‌వ్ ఠాక్రే 10 త‌ల‌ల రావ‌ణాసురుడిలా క‌నిపిస్తుంటాడు. ఆ చిత్రాన్ని ఓ యూజ‌ర్ చిత్రీక‌రించి న‌టి కంగ‌నాకు ట్వీట్ చేయ‌గా.. ఆమె దాన్ని షేర్ చేసింది. దీంతో ఆ ఫొటో ప్ర‌స్తుతం సోష‌ల్ మీడియాలో వైర‌ల్‌గా మారింది.
Received many memes, this one sent by my friend @vivekagnihotri ji made me emotional.
लक्ष्मीबाई, वीर शिवाजी यांच्या पावलावर पाऊल ठेवून मी माझे कार्य पुढे करत राहीन.
जरी त्यांनी मला घाबरवण्याचा खूप प्रयत्न केला तरीही मी धैर्याने पुढे जात राहीन
जय हिंद, जय महाराष्ट्र 🙏 pic.twitter.com/c4KvpVcqX1— Kangana Ranaut (@KanganaTeam) September 12, 2020
కాగా శివ‌సేన పార్టీ నుంచి బెదిరింపుల‌ను ఎదుర్కొంటున్న నేప‌థ్యంలో కంగ‌నా తండ్రి విజ్ఞ‌ప్తి మేర‌కు కేంద్రం ఇప్ప‌టికే ఆమెకు వై కేట‌గిరి సెక్యూరిటీని క‌ల్పించింది. ఈ క్ర‌మంలోనే కంగ‌నా సీఎం ఉద్ధ‌వ్‌తో సై అంటే సై అంటోంది. చివ‌ర‌కిది ఎక్క‌డి వ‌ర‌కు దారి తీస్తుందో చూడాలి.
