రాజ్యసభ ఎంపీ సంతోశ్ కుమార్ చేపట్టిన గ్రీన్ ఇండియా ఛాలెంజ్లో సినీ, రాజకీయ, వ్యాపార, క్రీడా.. ఇలా అన్ని రంగాల ప్రముఖులు పాల్గొంటున్నారు. ఒకరికొకరు సవాల్ విసురుకుంటూ దేశవ్యాప్తంగా ఈ కార్యక్రమాన్ని వ్యాపింపజేస్తున్నారు. తాజాగా ఈ ఛాలెంజ్లో బాలీవుడ్ ఫైర్ బ్రాండ్ కంగనా రనౌత్ పాల్గొన్నారు.
గ్రీన్ ఇండియా ఛాలెంజ్లో భాగంగా బాలీవుడ్ బ్యూటీ కంగనా రనౌత్ మొక్కలు నాటారు. శంషాబాద్ లోని పంచవటి పార్క్లో కంగనా రనౌత్ మొక్కలు నాటారు. ప్రముఖ జ్యోతిష్యుడు బాలు మున్నంగి ఛాలెంజ్ ను స్వీకరించి మొక్కలు నాటినట్లు కంగనా తెలిపారు. గ్రీన్ ఇండియా ఛాలెంజ్ ద్వారా రాజ్యసభ ఎంపి సంతోశ్ కుమార్ కోట్లాది మొక్కలు నాటడం గొప్ప విషయం అని కొనియాడారు.
ఈ ఛాలెంజ్ ను అందరూ స్వీకరించి మొక్కలు నాటాలని, పచ్చదనాన్ని పెంచాలని కంగనా కోరారు. అనంతరం తన సోదరి రంగోలి చందర్, డాక్టర్ రీతూ రనౌత్ , అంజలీ చౌహాన్లకు కంగన్ గ్రీన్ ఇండియా ఛాలెంజ్ విసిరారు. వారు కూడా ఈ ఛాలెంజ్లో భాగంగా మొక్కలు నాటాలని కోరారు.
