బాలీవుడ్ బ్యూటీ కత్రిన్ కైఫ్ సింప్లిసిటీకి నెటిజన్లు ఫిదా అవుతున్నారు. తమిళనాడు మధురైలోని మౌంటెన్‌ వ్యూ స్కూల్‌లో జరిగిన ఓ కార్యక్రమానికి హాజరైన కత్రినా.. విద్యార్థులతో సరదాగా గడిపింది. కాసేపు వాళ్లతో ముచ్చటించి.. ‘బీస్ట్‌’ సినిమాలోని ‘అరబిక్‌ కుతు’ సాంగ్ కు విద్యార్థులతో కలిసి స్టెప్పులేసింది. దీనికి సంబంధించిన వీడియోలు సోషల్ మీడియాలో వైరల్ అవుతున్నాయి.
ఈ వీడియోకు నెటిజన్లు ఫిదా అవుతున్నారు. ‘సింప్లిసిటీ అంటే ఇది’ ‘సో క్యూట్‌’, ‘మంచి మనసున్న నటి’ అంటూ కామెంట్లు పెడుతున్నారు. పేద విద్యార్థులకు ఇంగ్లీష్ మీడియంలో బోధన అందించాలనే లక్ష్యంతో 2015లో మౌంటెన్‌ వ్యూ స్కూల్‌ని ప్రారంభించారు. ఆ పాఠశాలతో కత్రినా తల్లి సుజానెకు ప్రత్యేక అనుబంధం ఉంది. ఆ స్కూల్‌లో కొన్నాళ్లు ఆమె పాఠాలు చెప్పారు. ఆ పాఠశాలలో మరిన్ని తరగతి గదులు ఏర్పాటు చేయడం కోసం సాయం చేయాలంటూ 2020లో కత్రినా తన అభిమానుల్ని కోరిన సంగతి తెలిసిందే.
#katrinakaif dancing on #jerusalema track with kids ❤️😍 pic.twitter.com/0p7GnF0XTm
— myqueenkay (@myqueenkay1) September 26, 2022
