ఫేస్బుక్ మెటా మరోసారి ఉద్యోగులకు షాక్ ఇచ్చింది. ఇప్పటికే వేలమంది ఉద్యోగులను తొలగించిన ఈ సంస్థ తాజాగా మరో 11వేల మందికి ఉద్వాసన పలకనున్నట్లు తెలుస్తోంది. గతేడాది మెటా.. సుమారు 11 వేల మందిని ఉద్యోగాల నుంచి తొలగించిన విషయం తెలిసిందే. ఇది అప్పుడు ఆ సంస్థ ఉద్యోగుల్లో 13 శాతానికి సమానం. ఈ సారి కూడా దాదాపు 11 వేల మంది వరకు ఉద్యోగులను తొలగించనున్నట్లు సంస్థతో సంబంధం ఉన్న వ్యక్తులు వెల్లడించారు.
ఉద్యోగులపై వేటుకు సంబంధించి మెటా సంస్థ వచ్చే వారం తొలి ప్రకటన విడుదల చేయనున్నట్లు సమాచారం. నాన్- ఇంజినీరింగ్ రోల్స్లో పనిచేస్తున్న ఉద్యోగులను అధికంగా తొలగించనున్నట్లు తెలుస్తోంది. కొన్ని ప్రాజెక్టులను సైతం ఆపివేయనున్నట్లు వాల్స్ట్రీట్ జర్నల్ వెల్లడించింది. వీటితో పాటుగా కొన్ని టీమ్లను సైతం రద్దు చేయనుందని తెలిపింది. మెటాకు సంబంధించిన హార్డ్వేర్, మెటావర్స్ డివిజన్ అయిన రియాల్టీ ల్యాబ్స్లో పనిచేస్తున్న ఉద్యోగులను సైతం తీసేయనున్నట్లు సమాచారం.
