విశాఖపట్నం స్టీల్ ప్లాంట్ లో భారీ అగ్ని ప్రమాదం సంభవించింది. ముడి సరుకు నిల్వ ఉంచిన విభాగంలో భారీ అగ్ని ప్రమాదం జరిగింది. కన్వేయర్ బెల్టులు ఒకదానితో ఒకటి రాపిడికి గురైన ఘటనలో పెద్ద ఎత్తున మంటలు వ్యాపించాయి. దీంతో అగ్నిమాపక సిబ్బంది ఘటనా స్థలానికి చేరుకొని మంటలను అదుపు చేస్తున్నారు. ఈ అగ్ని ప్రమాదం వల్ల సుమారు కోటిన్నర రూపాయల నష్టం జరిగిందని అధికారులు అంచనా వేశారు. ఈ ఘటనపై మరిన్ని వివరాలు తెలియాల్సి ఉంది.
