Roja Daughtrer: ఏపీ అధికార పార్టీ వైసీపీ ఎమ్మెల్యే, సినీ నటి రోజా.. అటు ఇండస్ట్రీలో నటిగా.. రాజకీయాల్లో ఎమ్మెల్యేగా ప్ర‌త్యేక గుర్తింపు సాధించింది. ఆమె గురించి ప్రత్యేకంగా చెప్పాల్సిన అవసరం లేదు. ఆమె గారాల త‌న‌య అన్షు మాలిక కూడా అంద‌రికీ సుపరిచితమే.. పలు ఈవెంట్లలో అన్షు మెరిసింది. తాజాగా రోజా త‌న‌య అన్షు మాలికకు అరుదైన గౌరవం దక్కింది. తల్లికి తగ్గ త‌న‌యగా నిలిచింది.
ప్రఖ్యాత ఇన్ఫ్లూఎన్సర్ యూకే మ్యాగజైన్ కవర్ పేజీపై అన్షు మాలిక ఫొటోను ప్ర‌చురించుకుంది. అను రచయితగా, ఎంట్రప్రెన్యుయర్ గా, ప్రోగ్రామర్‌గా సమాజాహితం కోసం కృషి చేస్తున్నంద‌కుయంగ్ సూపర్ స్టార్ అవార్డుకు అన్షు ఎంపికైనట్లు ఇన్ఫ్లూఎన్సర్ సంస్థ ప్రకటించింది.
దీనిపై అన్షు స్పందిస్తూ.. తన కల నెలవేరిందని సంతోష పడింది. అన్షు ఫోటోను మ్యాగజైన్ పై ప్రచురించడం ఇదే తొలిసారి కాదు. బర్న్ అచీవర్ మ్యాగజైన్ పై క్వీన్ ఆఫ్ టాలెంట్ అని అన్షు ఫోటోను ప్రచురించారు. మరోవైపు అన్షుమాలిక సినిమాల్లోకి ఎంట్రీ ఇస్తారంటూ వార్తలు ప్రచారంలోకి వస్తున్నాయి. అయితే రోజా మాత్రం కూతురు ఇష్టాన్ని బట్టి అన్షు మాలిక సినీ ఎంట్రీ గురించి నిర్ణయం తీసుకోనున్నారని తెలుస్తోంది.
