మంత్రి వేముల ప్రశాంత్ రెడ్డి పై తీవ్రస్థాయిలో మండిపడ్డారు బిజెపి ఎంపీ ధర్మపురి అరవింద్. ప్రశాంత్ రెడ్డి నంగనాచి మాటలు బందు పెట్టాలని సూచించారు. 2020 – 21 లో డబుల్ బెడ్ రూమ్ ఇళ్లకు ఒక్క రూపాయి కూడా ఇవ్వలేదని ఆరోపించారు ఎంపీ అరవింద్. ప్రశాంత్ రెడ్డి నప్పతట్లోడు అంటే ఓ చేతగాని దద్దమ్మ అని వ్యాఖ్యానించారు.
ఇక కెసిఆర్ మేనిఫెస్టో చూస్తే చక్కెర వచ్చి కింద పడతారని ఎద్దేవా చేశారు. కేటీఆర్ దావోస్ కి ఇన్వెస్ట్మెంట్ పెట్టడానికి వెళ్తారని.. ఆయన ఈ తొమ్మిదేళ్లలో తెలంగాణకి ఎంత తీసుకువచ్చారు? ఏ ఇండస్ట్రీ తీసుకువచ్చారో చెప్పాలని డిమాండ్ చేశారు. అమెజాన్, deloitte లు ఇండస్ట్రీలు కావన్నారు ఎంపీ అరవింద్. ఐదు లక్షల జీతం ఇచ్చి ఆయన ఫార్మ్ హౌస్ లో రీసెర్చ్ చేసేందుకు పెట్టుకున్నారని ఆరోపించారు.
పసుపు రైతులకు నష్టపరిహారం ఇచ్చి ఏ విధంగా ఆదుకుంటారో కెసిఆర్ స్పష్టం చేయాలని డిమాండ్ చేశారు. పసుపు రైతుల విషయంలో ప్రశాంత్ రెడ్డి చొరవ తీసుకోవాలని అన్నారు. ప్రశాంత్ రెడ్డి మీ బాపు దగ్గరికి పోయి పసుపు రైతులకు ఎంత ఇప్పిస్తావో చెప్పాలన్నారు.
