వైయస్ వివేకానంద రెడ్డి హత్య కేసులో భాగంగా కడప ఎంపీ అవినాష్ రెడ్డి హైదరాబాద్ కోటి లోని సిబిఐ కోర్టుకు విచారణకు హాజరయ్యారు. 2019 మార్చి 15న వివేకానంద రెడ్డి దారుణ హత్యకు గురైన విషయం తెలిసిందే. అయితే ఈ కేసును కడప నుంచి హైదరాబాద్ సిబిఐ కోర్టుకు బదిలీ చేశారు. ఈ నేపథ్యంలో సిబిఐ ఈ కేసులో ఇప్పటికే 248 మంది వాంగ్మూలం సేకరించింది.
వాంగ్మూలం ఆధారంగా అవినాష్ రెడ్డి ని నేడు ప్రశ్నిస్తుంది సిబిఐ. అధికారులు అవినాష్ రెడ్డిని విచారిస్తున్న నేపథ్యంలో ఆ కార్యాలయం వద్దకు ఆయన అనుచరులు భారీగా చేరుకున్నారు. అయితే వారిని విచారణ జరుగుతున్న చోటుకు అనుమతించకపోయినప్పటికీ వారు అక్కడే వేచి చూస్తున్నారు. సిబిఐ ఎస్పీ రాంసింగ్ ఆధ్వర్యంలో అవినాష్ రెడ్డిని విచారిస్తున్నారు.
