జమ్మూ కాశ్మీర్లో ఉగ్రవాదుల చోటుకు యత్నం జరగగా.. అది గ్రహించిన భారత భద్రతా బలగాలు సమర్థవంతంగా తిప్పికొట్టాయి. ఇంటెలిజెన్స్ సమాచారం మేరకు ముందుగానే టెర్రరిస్టుల ఆచూకీని కనుగొన్న జమ్మూకశ్మీర్ పోలీసులు, భద్రతా బలగాలు సంయుక్త ఆపరేషన్ నిర్వహించాయి. ఈ ఎన్ కౌంటర్లో ఓ టెర్రరిస్టు మృతి చెందినట్లు సమాచారం. ఇటీవలి కాలంలో పాక్ సరిహద్దు ప్రాంతాల గుండా దేశంలోకి చొరబాట్లు అధికం అవుతున్నాయని ఇంటెలిజెన్స్ ముందుగానే హెచ్చరిచ్చింది.దీంతో నిఘా వర్గాలు భద్రతను కట్టుదిట్టం చేశాయి.
ఈ క్రమంలోనే నిఘా వర్గాల ముందస్తు హెచ్చరికతో తాంగ్ ధార్‌లో తలదాచుకున్న ఉగ్రవాదులపై భద్రతా బలగాలు కాల్పులు జరిపాయి. గత రాత్రి 9.30 గంటల ప్రాంతంలో సెర్చ్ ఆపరేషన్ ప్రారంభించగా.. రాత్రి 11.45 గంటల ప్రాంతంలో టెర్రిరిస్టులను గుర్తించి ఏరివేత ప్రారంభించారు. సుమారు 2 గంటలకు పైగా ఎదురు కాల్పులు చోటుచేసుకున్నట్లు సమాచారం.సైన్యం కాల్పుల్లో ఒక టెర్రరిస్టు మరణించగా మిగతా వారు తప్పించుకున్నట్లు తెలిసింది. ఇప్పుడు కూడా వారికోసం గాలింపు చర్యలు కొనసాగిస్తున్నట్లు ఆర్మీ అధికారులు వెల్లడించారు.
