కేంద్ర ప్రభుత్వం త్వ‌ర‌లో 4 నూత‌న కార్మిక నిబంధనలను అమలు చేయ‌నుంది. అవి అమ‌లులోకి వ‌స్తే ఉద్యోగులు నెల నెలా తీసుకున్న జీతం మొత్తం త‌గ్గ‌నుంది. ఆ మేర‌కు వారికి అందే పీఎఫ్‌లో మార్పులు చేస్తారు. పీఎఫ్ మొత్తం పెరుగుతుంది. కంపెనీలు పీఎఫ్‌ను పెంచి ఇవ్వాల్సి ఉంటుంది.
నూత‌న కార్మిక నిబంధ‌న‌లు అమ‌లులోకి వ‌స్తే ఉద్యోగుల‌కు అందే బేసిక్ పే, పీఎఫ్‌ల విషయంలో కీలక మార్పులు వ‌స్తాయి. పారిశ్రామిక సంబంధాలు, వేతనాలు, సామాజిక భద్రత, వృత్తిపరమైన ఆరోగ్య భద్రత, పని పరిస్థితులపై 4 నిబంధనలను ఏప్రిల్ 1, 2021 నుండి అమలు చేయాలని కేంద్ర కార్మిక మంత్రిత్వ శాఖ భావించింది. కానీ ఈ నాలుగు కార్మిక నిబంధ‌న‌లు 44 కేంద్ర కార్మిక చట్టాలను ప్ర‌భావితం చేయ‌నున్నాయి. ఈ క్ర‌మంలోనే వాటి అమలు ఆల‌స్యం అవుతోంది.
కాగా కేంద్ర కార్మిక మంత్రిత్వ శాఖ ఆ 4 నిబంధ‌న‌ల‌కు గాను ప‌లు మార్గ ద‌ర్శ‌కాల‌ను సూచించింది. అయితే ఈ నిబంధనలను అమలు చేయ‌లేమ‌ని రాష్ట్రాలు చెబుతున్నాయి. చాలా ప్రధాన రాష్ట్రాలు నాలుగు నిబంధ‌న‌ల‌కు గాను మార్గ‌ద‌ర్శ‌కాల‌ను ఖరారు చేయలేదు. కొన్ని రాష్ట్రాలు ఈ చట్టాల అమలు కోసం మార్గ‌ద‌ర్శ‌కాల‌ను ఖరారు చేసే పనిలో ఉన్నాయి. ఈ నిబంధ‌న‌ల ప్రకారం రాష్ట్రాలు మార్గ‌ద‌ర్శ‌కాల‌ను నిర్ధారించడానికి కేంద్ర ప్రభుత్వం వేచి చూడదు. అందువల్ల వాటిని అమలు చేయడానికి ప్రణాళికల‌ను కేంద్రం సిద్ధం చేసింది. ఈ నిబంధ‌న‌లు కొన్ని నెలల్లోనే కొత్త చట్టాలతో అమలు కానున్న‌ట్లు తెలిసింది.
ఇక ఉత్తర ప్రదేశ్, బీహార్, మధ్యప్రదేశ్, హర్యానా, ఒడిశా, పంజాబ్, గుజరాత్, కర్ణాటక, ఉత్తరాఖండ్ రాష్ట్రాలు ఇప్పటికే ముసాయిదా నిబంధనలను సూచించాయి. కొత్త వేతనాల కోడ్ కింద అలవెన్సులు 50 శాతం చొప్పున ఉంటాయి. అంటే ఉద్యోగి స్థూల వేతనంలో సగం ప్రాథమిక వేతనాలు (బేసిక్ పే) ఉంటాయి. ప్రావిడెంట్ ఫండ్ ప్రాథమిక వేతనం యొక్క శాతంగా లెక్కించబడుతుంది. ఇందులో ప్రాథమిక వేతనం, డీఏ ఉంటాయి. ప్రావిడెంట్ ఫండ్, ఆదాయపు పన్ను తగ్గింపును తగ్గించడానికి ప్రాథమిక వేతనాలను తక్కువగా ఉంచడానికి యజమానులు వేతనాలను అనేక భత్యాలుగా విభజిస్తున్నారు.
కొత్త వేతనాల కోడ్ స్థూల వేతనంలో 50 శాతం నిర్దేశిత నిష్పత్తిగా ప్రావిడెంట్ ఫండ్ ను అందిస్తుంది. కొత్త నిబంధ‌న‌ల అమలు తరువాత ఉద్యోగులు నెల నెలా పొందే వేతనం తగ్గుతుంది. అయితే కంపెనీలు ఎక్కువ పీఎఫ్‌ను అందించాల్సి ఉంటుంది.
