చేపలు ఆరోగ్యానికి మంచిదనే సంగతి తెలిసిందే. చేపలు తినడం వల్ల శరీరానికి అనేక పోషకాలు, విటమిన్లు లభిస్తాయి. ఐరన్, మెగ్నీషియం, పోటాషియం, జింగ్, అయోడిన్ వంటివి చేపల్లో ఉంటాయి. చేపల్లో ఒమేగా-3 కొవ్వు ఆమ్లాలు ఉంటాయి. చేపలు తినడం వల్ల విటమిన్-డి, బీ2, కాల్షియం, ఫాస్పరస్ శరీరానికి లభిస్తాయి. ఈ నేపథ్యంలో వారంలో కనీసం రెండుసార్లైన చేపలు తినాలని నిపుణులు చెబుతున్నారు.
అయితే తినడం వల్ల ఆరోగ్యానికి ముప్పు ఉందని, ముఖ్యంగా చర్మ క్యాన్సర్ ప్రమాదం పొంచి ఉందని కొందరూ సోషల్ మీడియాలో ప్రచారం చేస్తున్నారు. ఈ నేపథ్యంలోనే పశ్చిమ బెంగాల్ ముఖ్యమంత్రి మమతా బెనర్జీ స్పందించారు. లాఫియా చేపలు తింటే ఎలాంటి క్యాన్సర్ రాదని వెల్లడించారు. ఆ చేపలు తింటే క్యాన్సర్ వస్తుందని కొందరు కావాలనే ప్రచారం చేస్తున్నారు. బాధ్యత లేని అలాంటి వ్యక్తులను శిక్షించాల్సిన అవసరం ఉందని తెలిపారు. ఇకపై ఇలాంటి ప్రచారం చేస్తే.. కఠిన చర్యలు తప్పవు అని హెచ్చరించారు.
