సార్వత్రిక సమరం ఐదో విడత పోలింగ్ ప్రశాంతంగా కొనసాగుతోంది. ఈ విడతలో 6 రాష్ట్రాలు, రెండు కేంద్ర పాలిత ప్రాంతాల పరిధిలోని 49 నియోజకవర్గాల్లో ప్రజలు ఓటు హక్కు వినియోగించుకుంటున్నారు. ఉదయం 9 గంటల వరకు 10.28 శాతం పోలింగ్ నమోదైనట్లు ఎన్నికల అధికారులు తెలిపారు.
వివిధ రాష్ట్రాల్లో ఉదయం 9 గంటల వరకు పోలింగ్ శాతం ఇలా ఉంది..
- బిహార్‌ 8.86
- జమ్ముకశ్మీర్ 7.63
- ఝార్ఖండ్‌ 11.68
- లద్దాఖ్‌ 10.51
- మహారాష్ట్ర 6.33
- ఒడిశా 6.87
- ఉత్తర్‌ప్రదేశ్‌ 12.89
- బంగాల్‌ 15.35
ఐదో విడత ఎన్నికల పోలింగ్ ప్రముఖులు ఓటు హక్కు వినియోగించుకుంటున్నారు. తాజాగా హాకీ ఇండియా అధ్యక్షుడు, బీజేడీ నేత దిలీప్‌ టిర్కీ ఓటు వేశారు. మరోవైపు సినీ ప్రముఖులు షాహిద్ కపూర్, జాన్వీ కపూర్, శ్రియా శరణ్ ముంబయిలో ఓటు హక్కు వినియోగించుకున్నారు. అమేఠీ పోలింగ్ కేంద్రంలో బీజేపీ ఎంపీ స్మృతి ఇరానీ ఓటు వేశారు. ముంబయిలో కేంద్రమంత్రి పీయూశ్ గోయల్, ఆర్బీఐ గవర్నర్ శక్తికాంత దాస్, హిమచల్ప్రదేశ్లోని హమీర్పుర్ పోలింగ్ బూత్లో కేంద్ర మంత్రి సాధ్వీ నిరంజన్ జ్యోతి ఓటు వేశారు.
