కర్ణాటకలో కొందరు యువకులు రాత్రివేళ రోడ్డుపై హంగామా సృష్టించారు కార్లతో పరస్పరం ఢీ కొట్టుకుని కర్రలతో దాడులు చేసుకున్నారు. మే 18వ తేదీన ఉడుపి ప్రాంతంలో చోటుచేసుకున్న ఈ ఘటనకు సంబంధించిన దృశ్యాలు తాజాగా సోషల్ మీడియాలో వైరల్ అయ్యాయి.
ఉడుపి – మణిపాల్‌ హైవేపై రెండు కార్లలో వచ్చిన ఆరుగురు యువకులు వీరంగం సృష్టించారు. మొదట ఓ కారు వేగంగా వెనక్కి వచ్చి మరో వాహనాన్ని ఢీ కొట్టింది. అందులో నుంచి యువకులు దిగి కర్రలతో కొట్టుకున్నారు. ఈ క్రమంలోనే కర్ర పట్టుకున్న ఓ యువకుడిని మరో గ్రూప్‌నకు చెందిన కారు ఢీ కొనడటంతో తీవ్రంగా గాయపడ్డాడు. సమీపంలోని అపార్ట్‌మెంట్‌ నుంచి ఈ తతంగాన్ని వీడియోలో రికార్డ్‌ చేశారు. కర్ణాటకకు చెందిన ఓ డాక్టర్‌ దీన్ని తన ‘ఎక్స్‌’ ఖాతాలో పోస్ట్ చేస్తూ నిందితులపై చర్యలు తీసుకోవాలని డిమాండ్‌ చేశారు. ఈ వీడియో కాస్తా వైరల్ కావడంతో పోలీసులు కేసు నమోదు చేసి దర్యాప్తు చేపట్టారు. నిందితుల్లో ఇద్దరిని అరెస్టు చేశామని, మరో నలుగురి కోసం గాలిస్తున్నట్లు వెల్లడించారు.
Very bad state of affairs
Gang War at Udupi
Incident happened recently late night, 2 groups fought on Udupi Manipal Highway near Kunjibettu
Where is the younger generation heading ???
Stringent action should be taken against all these culprits pic.twitter.com/EVAstmKumR
— Dr Durgaprasad Hegde (@DpHegde) May 25, 2024
