డ్రగ్స్ సరఫరా, వినియోగం వల్ల కలిగే దుష్ప్రయోజనాల గురించి హర్యానాలోని సోనిపట్‌లో రాష్ట్ర పోలీసులు విద్యార్థులకు అవగాహన కార్యక్రమం నిర్వహించారు. ఇందులో పాల్గొన్న ఓ విద్యార్థి పోలీసు అధికారులకే ఛాలెంజ్ విసిరాడు. పేరు కోసమే ఇలాంటి కార్యక్రమాలు నిర్వహిస్తున్నారని అన్నాడు. విద్యాసంస్థల పరిసర ప్రాంతాల్లో గంజాయి సులువుగా దొరుకుతున్నా ఆ విషయం తెలిసీ ఆ ముఠాలను ఎందుకు కట్టడి చేయలేకపోతున్నారని ప్రశ్నించాడు. దీనికి సంబంధించిన వీడియో ప్రస్తుతం సోషల్ మీడియాలో వైరల్ అవుతోంది.
‘‘సార్‌.. మీరు డ్రగ్స్‌కు దూరంగా ఉండాలని అవగాహన కార్యక్రమాలు నిర్వహిస్తున్నారు. కానీ, విశ్వవిద్యాలయాలే అతిపెద్ద డ్రగ్స్ సరఫరా కేంద్రాలుగా మారాయి. ప్రస్తుతం ఈ సమావేశంలో నాలుగు యూనివర్శిటీల విద్యార్థులు పాల్గొంటున్నారు. చాక్లెట్ కొన్నంత సులువుగా గంజాయి, డ్రగ్స్ దొరుకుతున్నాయి. విద్యార్థులకు డ్రగ్ డీలర్స్ గురించి తెలుస్తోంది. కానీ, పోలీసులకు వాళ్ల గురించి ఎందుకు తెలియడం లేదు. ఎందుకు కట్టడి చేయలేకపోతున్నారు’’ అని విద్యార్థి ప్రశ్నించాడు. ఈ వీడియో చూసిన నెటిజన్లు విద్యార్థి ప్రశ్నించిన తీరును అభినందిస్తూ కామెంట్లు చేస్తున్నారు.
Students like this give me hope for India's future!
Will be happy to give him an internship if he is interested!
We need more students with a backbone 😊 pic.twitter.com/YmdaLo3Y2t— Dr Aniruddha Malpani, MD (@malpani) March 8, 2024
