ప్రపంచవ్యాప్తంగా ప్రేక్షకులతో పాటు సౌట్ అండ్ నార్త్ సినీ పరిశ్రమలలో మేకర్స్ అందరూ ఎంతో ఆసక్తిగా ఎదురు చూస్తున్న సినిమా ఆర్ ఆర్ ఆర్. ‘బాహుబలి’ ఫ్రాంఛైజీ తర్వాత ఎస్‌.ఎస్‌.రాజమౌళి దర్శకత్వంలో అత్యంత ప్రతిష్టాత్మకంగా తెరకెక్కుతుంది. మొదటిసారి ఎన్టీఆర్‌, రామ్‌ చరణ్ కలిసి నటిస్తున్న భారీ మల్టీ స్టారర్ కావడంతో ఈ సినిమా మీద దేశంతా భారీ అంచనాలతో ఉన్నారు. ఇటీవల ఉగాది పండగ సందర్భంగా లోగో తో పాటు, మోషన్‌ పోస్టర్ ని విడుదల చేశారు రాజమౌళి బృందం. ‘ఆర్ ఆర్ ఆర్’ అని ఇన్నాళ్ళు వర్కింగ్ టైటిల్ గా చెప్పుకుంటున్న దానికి అఫీషియల్ గా ‘రౌద్రం రణం రుధిరం’ అనే పేరును ఖరారు చేశారు.
ఇక హిందీ, ఇంగ్లిష్‌ భాషల్లో ‘రైజ్‌ రోర్‌ రివోల్ట్‌’ అనే పేరుని, తమిళంలో ‘రథమ్‌ రణమ్‌ రౌథిరమ్‌’, మలయాళంలో ‘రుధిరమ్‌ రణమ్‌ రౌద్రమ్‌’, కన్నడలో ‘రౌద్ర రణ రుధిర’ అనే టైటిల్స్ ని ఫిక్స్ చేసిన సంగతి తెలిసిందే. ఇందులో రామ్‌చరణ్‌ సరసన ఆలియాభట్‌ నటిస్తున్న విషయం తెలిసిందే. ఎన్టీఆర్‌ సరసన హాలీవుడ్‌ నటి ఒలీవియా మోరిస్‌ నటిస్తోంది. బాలీవుడ్ సీనియ నటుడు అజయ్‌ దేవగణ్‌ ఓ ముఖ్య పాత్రని పోషిస్తున్నారు. ఇక రాం చరణ్ బర్త్ డే సమదర్భంగా రిలీజ్ చేసిన టీజర్ కూడా భారీ స్థాయిలో ఉంది. ఈ టీజర్ తో రాజమౌళి మళ్ళీ చరిత్ర సృష్ఠించబోతున్నారని అంటున్నారు.
ఇదిలా ఉంటే మే లో ఎన్.టి.ఆర్ బర్త్ డే సందర్భంగా ఆయన పాత్ర కి సంబంధించిన టీజర్ ని రిలీజ్ చేయడానికి సిద్దం చేస్తున్నారట. ఈ టీజర్ తో ఆర్ ఆర్ ఆర్ కథ ఏంటో కాస్త క్లూ ఇవ్వనున్నారట. అయితే ఇప్పుడు ఒక న్యూస్ తాజాగా బయటకి వచ్చింది. ఎన్.టి.ఆర్ ఆర్ ఆర్ ఆర్ తర్వాత ప్రభాస్ రేంజ్ లో పాన్ ఇండియా స్టార్ అన్న క్రేజ్ వస్తుందని చెప్పుకుంటున్నారు. అంతగా ఈ సినిమాలో ఎన్.టి.ఆర్ పాత్ర హైలెట్ కానుందట. ఇంకా చెప్పాలంటే ప్రభాస్ కంటే ఎక్కువగానే క్రేజ్ వచ్చే అవకాశాలున్నాయని అంటున్నారు.
