జూనియర్‌ ఎన్టీఆర్‌, కొరటాల శివ కాంబోలో ఎన్టీఆర్‌ 30 వ సినిమా రూపొందుతున్న సంగతి తెలిసిందే. ఇప్పటికే వీరిద్దరి కాంబోలో వచ్చిన జనతా గ్యారేజ్‌ సినిమా విజయం సాధించింది. ఈ నేపథ్యంలో మరో సినిమాకు సన్నద్ధం అవుతున్నారు. ఇప్పటికే ఈ సినిమా ప్రారంభం కావాల్సి ఉంది. కానీ ఆర్‌ ఆర్‌ఆర్‌ సినిమా షూటింగ్‌ కారణంగా ఈ సినిమా ప్రారంభం వాయిదా పడుతూ వస్తోంది. ఈ సినిమాకు కొరటాల దర్శకత్వం వహిస్తుండగా.. మిక్కిలినేని సుధాకర్‌ తో కలిసి కళ్యాణ్‌ రామ్‌ ఈ సినిమాను నిర్మిస్తున్నారు.
పాన్‌ ఇండియా లెవెల్ లోనే ఈ సినిమాప్రేక్షకుల ముందుకు రానుందనే టాక్‌ నడుస్తోంది. ఈ సినిమాలో బస్తీకి చెందిన యువకుడిగా.. బస్తీ విద్యార్థుల హక్కుల కోసం పోరాడే స్టూడెంట్‌ లీడర్‌ గా ఎన్టీఆర్‌ కనివిందు చేయనున్నాడట. అయితే.. తాజాగా ఈ సినిమాను ఓ అప్డేట్‌ వచ్చింది. ఈ సినిమా ఫిబ్రవరి 7 వ తేదీన పూజా కార్యక్రమాలను చేసుకోనున్నట్లు తెలుస్తోంది. కాగా.. ఈ సినిమాలో బాలీవుడ్‌ హీరోయిన్‌ అలీయా భట్‌ నటించే ఛాన్స్‌ ఉంది.
