పాకిస్తాన్ లో రాజకీయ సంక్షోభం గంటకో మలుపు తిరుగుతోంది. అటు తిరిగి ఇటు తిరిగి పాక్ సుప్రీం కోర్ట్ కు చేరింది ఇమ్రాన్ ఖాన్ భవితవ్యం. ఈ రోజు పాక్ జాతీయ అసెంబ్లీలో జరిగిన పరిణామాలపై సుప్రీం కోర్ట్ విచారణ జరపనుంది. పాక్ జాతీయ అసెంబ్లీలో ఇమ్రాన్ ఖాన్ పై అవిశ్వాస తీర్మాణాన్ని స్పీకర్ తోసిపుచ్చడంతో ఇమ్రాన్ ఖాన్ కు ఊరట లభించింది. ఆ తరువాత జాతీయ అసెంబ్లీని రద్దు చేయాలని అధ్యక్షుడు ఆరీఫ్ అల్వీకి సిఫారసు చేయగా రద్దు చేస్తూ నిర్ణయం తీసుకున్నారు.
అయితే ఈ పరిణామాలపై ప్రతిపక్షాలు సుప్రీం కోర్ట్ ను ఆశ్రయించాయి. అధ్యక్షుడు ఆరిఫ్ అల్వీ జాతీయ అసెంబ్లీని రద్దు చేయడంపై పాకిస్థాన్ సుప్రీంకోర్టు సుమో-మోటో నోటీసు తీసుకుంది. ఈ కేసును విచారించేందుకు పాక్ సుప్రీం కోర్ట్ ప్రధాన న్యాయమూర్తి కూడా ఈ కేసును విచారించేందు సుప్రీం కోర్ట్ కు చేరుకున్నారు. ప్రస్తుతం ఇమ్రాన్ ఖాన్ భవిష్యత్తు పాక్ సుప్రీం కోర్ట్ లో ఉంది. సుప్రీం కోర్ట్ ఏం తీర్పు ఇస్తుందో అని అంతా ఎదురుచూస్తున్నారు.
