రేపటి నుంచి 4 రోజుల పాటు ఏపీలోనే పవన్ కళ్యాణ్ మకాం వేయనున్నారు. రేపటి నుండి నాలుగు రోజుల పాటు పార్టీ కార్యక్రమాల్లో పాల్గొననున్నారను . మంగళగిరిలోని పార్టీ రాష్ట్ర కార్యాలయంలో పలు ముఖ్య సమావేశాలు, సమీక్షల్లో పాల్గొననున్న పవన్… రేపు పార్టీ కార్యాలయానికి చేరుకున్న అనంతరం
మధ్యాహ్నం 2 గంటలకు బీసీ సంక్షేమంపై రౌండ్ టేబుల్ సమావేశంలో పాల్గొననున్నారు.
ఎల్లుండి ఉదయం 11గం.లకు పార్టీ రాష్ట్ర నాయకులతో సమీక్ష. పార్టీలో చేరికలు ఉండనుండగా, అదే రోజు మధ్యాహ్నం 2 గం.లకు మాజీ మంత్రి చేగొండి హరిరామజోగయ్య నేతృత్వంలోని కాపు సంక్షేమ సేన ప్రతినిధులతో భేటీ కానున్నారు.13 వ తారీఖు ఉదయం 11గం.లకు పార్టీ ఆవిర్భావ దినోత్సవ కార్యక్రమాల నిర్వహణపై సమీక్ష, సాయంత్రం 5 గం. లకు గవర్నర్ ఎస్.అబ్దుల్ నజీర్ తో మర్యాదపూర్వక భేటీ, 14 వ తారీఖు మధ్యాహ్నం 1 గం.లకు మంగళగిరి పార్టీ రాష్ట్ర కార్యాలయం నుంచి వారాహి తో మచిలీపట్నం సభకు బయలుదేరనున్నారు. ఇక సాయంత్రం 5గం.లకు మచిలీపట్నం సభా ప్రాంగణానికి చేరుకునీ బహిరంగ సభలో పాల్గొననున్నారు పవన్ కళ్యాణ్.
