.యూపీలో పెద్ద ఎత్తున అభివృద్ధి కార్యక్రమాలు
.సోన్‌భద్రను “సోనాంచల్”గా మార్చేందుకు చర్యలు
.ప్రగతి పథమే తన లక్ష్యమన్న సీఎం యోగీ
ఉత్తరప్రదేశ్ రాష్ర్టాన్ని అన్నివిధాలా అభివృద్ధి చేస్తున్న ముఖ్యమంత్రి యోగి ఆదిత్యనాథ్ పెద్ద ఎత్తున ప్రాజెక్టులను ప్రారంభిస్తున్నారు. ప్రశాంత యూపీ లక్ష్యంగా ముందుకెళుతున్న సీఎం రాష్ర్టాన్ని అభివృద్ధి పథంలో పరుగులు పెట్టిస్తున్నారు. ఇందులో భాగంగా సోన్‌భద్రలో INR 414 కోట్ల ($55.8 మిలియన్లు) విలువైన 217 అభివృద్ధి ప్రాజెక్టులను ప్రారంభించారు మరియు జిల్లాను అభివృద్ధి కేంద్రంగా మార్చే ప్రణాళికలను ప్రకటించారు. మోదీ ప్రభుత్వం ప్రవేశపెట్టిన సంక్షేమ పథకాలను ప్రజలకు తెలియజేస్తూ వాడవాడలా ర్యాలీ కార్యక్రమాలు నిర్వహిస్తున్న సీఎం. . . . అటు రైతులకు సాంకేతిక సమాచారం అందించేందుకు కృషి విజ్ఞాన కేంద్రం నిర్మాణానికి శంకుస్థాపన చేశారు.
సోన్‌భద్రను కొత్త అభివృద్ధి కేంద్రం “సోనాంచల్”గా మార్చేందుకు తమ ప్రభుత్వం కృషి చేస్తోందని ఉత్తరప్రదేశ్ ముఖ్యమంత్రి యోగి ఆదిత్యనాథ్ తెలిపారు. ప్రతికూల రాజకీయాలకు పాల్పడే వారే అభివృద్ధికి ఆటంకాలు సృష్టిస్తున్నారని ఆయన మండిపడ్డారు. అలాంటి వారిని ఉపేక్షించబోమని హెచ్చరించారు యోగీ. జిల్లాలోని ప్రతి ప్రజా, సామాజిక ఆరోగ్య కేంద్రాల్లో హెల్త్‌ ఏటీఎంలను ఏర్పాటు చేస్తామన్నారు. వీటిని IMS-BHUకి అనుసంధానం చేయాలని ఆయన అన్నారు. హర్ ఘర్ నల్ యోజన కింద చేపట్టిన పనులను వివరించిన సీఎం.. ప్రతి ఇంటికి తాగునీరు అందించేందుకు తమ ప్రభుత్వం కట్టుబడి ఉందన్నారు.గత తొమ్మిదేళ్లలో ప్రధాని నరేంద్ర మోదీ దూరదృష్టితో కూడిన నాయకత్వంలో పర్యావరణ పరిరక్షణ, పునరుత్పాదక సహజ ఇంధన వనరులను సక్రమంగా వినియోగించుకోవడం ద్వారా దేశం సుస్థిరమైన అభివృద్ధిని సాధించిందని యోగి అన్నారు.
ప్రధానమంత్రి విధానాలు జీవ-సంరక్షణపై దృష్టి సారించాయని మరియు “మిషన్ లైఫ్” వంటి ప్రచారాలు స్థిరమైన వృద్ధికి రూపాన్ని ఇచ్చాయని ఆయన అన్నారు. ఈ సందర్భంగా సోన్‌భద్ర అడవుల్లో చిరోంజి విత్తనాలను చల్లాలని యోగి ఆదేశాలు జారీ చేశారు.సోనభద్రలో శుక్రవారం కృషి విజ్ఞాన కేంద్రానికి శంకుస్థాపన చేసినట్లు సీఎం తెలిపారు. వ్యవసాయ రంగానికి సంబంధించిన సాంకేతిక సమాచారాన్ని రైతులకు అందించి వారి ఆదాయాన్ని పెంచేందుకు కేంద్రం తోడ్పడుతుందని అన్నారు.ఒకసారి రాముడు ఈ ప్రాంతానికి వచ్చాడని, ఇక్కడి ప్రజలు ఆయనను సేవతో గౌరవించారని యోగి గుర్తు చేశారు.“దశాబ్దాల పాటు అధికారంలో ఉన్నవారు రాముడిని గుడారం కింద ఉంచారు, కానీ 2024లో రాముడు తన గొప్ప ఆలయంలో కూర్చోబోతున్నాడని అన్నారు.ఉత్తరప్రదేశ్‌లో కొనసాగుతున్న పథకాలన్నీ రామరాజ్యానికి పునాదిరాయి’’ అని సీఎం అన్నారు. ప్రభుత్వం కులం, మతాల ఆధారంగా వివక్ష చూపడం లేదని తెలియజేశారు.
