మేడ్చల్ జిల్లా జవహర్నగర్లో ఉద్రిక్తత చోటుచేసుకుంది. ప్రజా సమస్యల పరిష్కారం కోసం పాదయాత్ర నిర్వహిస్తున్న రాష్ట్ర కార్మికశాఖ మంత్రి మల్లారెడ్డిని కాంగ్రెస్ శ్రేణులు అడ్డుకున్నారు. సికింద్రాబాద్లోని గబ్బిలాల్పేట ప్రాంతంలో పాదయాత్ర కొనసాగుతున్న క్రమంలో కొందరు కాంగ్రెస్ నాయకులు మంత్రి మల్లారెడ్డిని అడ్డుకునేందుకు యత్నించారు. ఈ క్రమంలో టీఆర్ఎస్, కాంగ్రెస్ కార్యకర్తల మధ్య తోపులాట జరగడంతో ఉద్రిక్త వాతావరణం నెలకొంది.
వెంటనే పోలీసులు రంగప్రవేశం చేసి ఇరు వర్గాలు వారిని చెదరగొట్టారు. మంత్రి మల్లారెడ్డి జవహర్నగర్ ప్రాంతంలో నెలకొన్న సమస్యల విషయంలో పరిష్కారం చూపాలని లేని పక్షంలో పెద్ద ఉద్యమం చేపడతామని కాంగ్రెస్ నేతలు హెచ్చరించారు. తమ ప్రాంతంలో సమస్యలను పరిష్కరిస్తానని హామీ ఇచ్చి ఇప్పటి వరకు ఏం చేయలేదని మండిపడ్డారు. జవహర్ నగర్లో జీవో నెంబర్ 58, 59 అమలు, 50 పడకల ఆస్పత్రి విషయంలో మంత్రి మల్లారెడ్డి హామీలకే పరిమితమయ్యారని ఆగ్రహం వ్యక్తం చేశారు.
” ప్రజా సమస్యలు కోసం పాదయాత్రకు వచ్చిన మంత్రి అన్ని సమస్యలు తెలుసుకోవాలి. మొత్తం అన్ని డివిజన్లో పర్యటించి ప్రజా సమస్యలు గుర్తించాలి. పాదయాత్ర మొక్కుబడిగా చేస్తే సహించేది లేదు. మా ప్రాంతంలో సమస్యలు పరిష్కారం చూపకపోతే మరింత పెద్ద ఉద్యమం చేపడతాం.”- సునీత, కాంగ్రెస్ నాయకురాలు
