ప్రభాస్ హీరోగా నటించిన బాహుబలి 1,2 సినిమాలతో తన పాపులారిటీ పాన్ ఇండియా స్థాయిలో పెరిగిన సంగతి తెలిసిందే.దాని తర్వాత విడుదల అయిన సాహో బాలీవుడ్ లో ఆడినా తెలుగులో అంతగా వసూళ్లు రాబట్టలేక పొయింది. ఇక ఆ తర్వాత వచ్చిన రాధే శ్యామ్ దారుణంగా ప్లాప్ అయ్యింది. రామాయణం ఆధారంగా తీస్తున్న ఆది పురుష్ జనవరిలో విడుదల కు సిద్ధంగా వుంది. తర్వాత సలార్, ప్రాజెక్ట్ K సినిమాలు షూటింగ్ దశలో వున్నాయి. ఇవన్నీ భారీ బడ్జెట్ సినిమాలు.
అయితే వీటి అన్నింటి మధ్యలో ప్రభాస్, మారుతీ దర్శకత్వంలో ఒక చిన్న సినిమా చేస్తున్నాడు. ఇది దయ్యం కాన్సెప్ట్ తో కూడిన కథ అని తెలుస్తోంది. ఈ సినిమా షూటింగ్ కు ప్రభాస్ చాలా తక్కువ రోజులు డేట్స్ ఇచ్చాడట. మారుతి కూడా తన డేట్స్ బట్టి షూటింగ్ కూడా చక చకా పూర్తి చేస్తున్నాడట. ఈ సినిమా లో ముగ్గురు హీరోయిన్స్ వుండే అవకాశం ఉందని తెలుస్తోంది 
వాస్తవానికి ఈ సినిమా ప్రకటన వచ్చిన రోజు ప్రభాస్ ఫ్యాన్స్ అందరూ మారుతిని తిట్టి పోశారు. తనకి అంత స్టామినా లేదని కామెంట్స్ చేసారు.కాని తాను మాత్రం మినిమం బడ్జెట్ పెడుతూ ప్రోజెక్ట్ సేఫ్ సైడ్ గా ఉండేలా ప్లాన్ చేస్తున్నట్లు తెలుస్తోంది. అలాగే మారుతి తనదైన స్టయిల్ లో ఎంటర్టైన్మెంట్ తో పాటు సస్పెన్స్ వుండేలా కథను డీల్ చేస్తున్నాడట. ప్రభాస్ కూడా కథను నమ్మి దైర్యంగా నటిస్తున్నాడట. ప్రభాస్ సినిమా త్వరగా పూర్తి అయి తొందరగా విడుదల కావాలని ఫ్యాన్స్ ఆత్రుత గా వెయిట్ చేస్తున్నారు.
