మధ్య తరగతి ప్రజలకు గుది బండలా మారిన గ్యాస్ సిలిండర్ ధరను తగ్గిస్తూ పుదుచ్చేరి ప్రభుత్వం గుడ్ న్యూస్ చెప్పింది. పెరుగుతున్న గ్యాస్ ధరలతో ఇబ్బంది పడుతున్న.. ప్రజలకు ఉపశమనం కలిగించింది. ఎల్పీజీ గ్యాస్ సిలిండర్పై రూ.300 సబ్సిడీని అందిస్తామని పుదుచ్చేరి ముఖ్యమంత్రి ఎన్ రంగస్వామి ప్రకటించారు. 2023-24 ఆర్థిక సంవత్సరానికి ప్రవేశపెట్టిన బడ్జెట్లో ప్రకటించారు.
రేషన్ కార్డు ఉన్న ప్రతి కుటుంబానికి నెలకు ఒక సిలిండర్పై రూ.300 సబ్సిడీ అందిస్తామని పేర్కొన్నారు. ఈ పథకానికి బడ్జెట్లో రూ. 126 కోట్లు కేటాయించామని రంగస్వామి తెలిపారు. నిరుగ్యోగులకు ఉపాధి కల్పించడానికి.. రూ. 100 కోట్ల కంటే ఎక్కువ పెట్టుబడి పెట్టిన పరిశ్రమలకు సబ్సిడీ ఇస్తామని ముఖ్యమంత్రి రంగస్వామి వెల్లడించారు. పుదుచ్చేరి ముఖ్యమంత్రి రూ. 11,600 కోట్ల వార్షిక బడ్జెట్ను సోమవారం అసెంబ్లీలో ప్రవేశపెట్టారు.
త్వరలో వివిధ దేశాలకు చెందిన తమిళ పండితుల భాగస్వామ్యంతో ప్రభుత్వం ‘ప్రపంచ తమిళ సదస్సు’ను నిర్వహిస్తామని పుదుచ్చేరి ముఖ్యమంత్రి రంగస్వామి తెలిపారు.
